Монголчууд визгүй зорчдог улс

"НИЙГМИЙН ТОЛЬ"

2010-11-20 14:35 GMT+8

Манай иргэд. Белорусь, Гонконг, Гүрж, Израйль, Куба, Хятад, Казахстан, Лаос, Макао, Малайз, Молдав, Сингапур, БНАСАУ, Тажикистан, Туркменистан, Украин, Филиппинд визгүй зорчдог байна.

Харин АНУ-д 2-10 жилийн виз, дипломат болон албан паспорттай иргэд Болгар, Вьетнам, Индонезг Мексик, ОХУ, -Румын, БНСУ, Словак, Тайланд, Турк, Унгар, Чех, Чили, Энэтхэгт визээр зорчиж байгаа аж.

Гадаадад байгаа иргэдийнхээ эрх ашгийг хамгаалах чиглэлээр 1963 оны Венийн конвенцид нэгдэн оржээ. 20 улстай эрхийн туслалцааны гэрээ, дөрвөн улстай гэмт этгээдийг шилжүүлэх гэрээ байгуулсан. Мөн 26 оронд 24 элчин сайдын яам, хоёр консулын төлөөлөгч, 30 оронд манай 52'өргөмжит консул тус тус ажиллаж байна. Консулын газар www.consuls.net гэсэн консулын тусгай вэб сайт нээж түүгээрээ дамжуулан иргэдэд мэдээлэл хүргэх, зөвлөгөө өгөх, ярилцлага явуулах ялангуяа ир-гэдийн өргөдлийг онлайнаар хүлээн авч хариу өгч байхаар болсон байна.

Харин консулын албанаас энэ онд Тайландтай энгийн паспорттай иргэд визгүй зорчих хэлэлцээр байгуулах, ОХУ-тай иргэд зорчих нөхцөлийн тухай 1995 оны хэлэлцээрт заасны дагуу зарим иргэдийг визгүй зорчуулах, ОХУ-д 30 хүртэлх хоногоор зорчих Монгол иргэдийг паспортын бүртгэлд хамруулахгүй байх, Хятад улстай иргэд зорчих болон хилээр нэвтрэх нөхцөлийг хөнгөвчлөх, БНСУ-тай визийг 90 хүртэл хоногоор олгож, нэг л виз олгосон бол хилээр саадгүй нэвтрүүлж байх, Казахстантай Засгийн газар хоорондын гэрээний дагуу сурч буй оюутнуудад олон удаагийн визийг хураамжгүй олгох зэрэг ажлыг ойрын хугацаанд хэрэгжүүлэхээр төлөвлөжээ.

Мөн Казахстантай Монголын иргэдийг ОХУ-ын нутаг дэвсгэрээр визгүй дамжин өнгөрүүлэх, Германы ЭСЯ-тай Монгол иргэдэд чирэгдэлгүй үйлчлэх, Унгарын хууль зүй дэг журмын яамны харьяа Цагаачлалын албаны дарга манайд айлчлахад нь Унгарын виз авахад тохиолдож буй бэрхшээл чирэгдэлийг багасгах талаар яриа хэлэлцээр хийж байгаа гэнэ.

Саяхнаас иргэдэд олон улсын стандартад нийцсэн "infacio" технологиор хэвлэсэн паспорт олгож эхлээд байгаа юм. Иргэдийнхээ эрх ашгийг хамгаалах, иргэд зорчих нөхцөлийг хөнгөвчлөх талаар Казахстан, Орос, БНСУ, Хятадтай хоёр талын, харин Казахстан, Оростой гурван талт консулын зөвлөлдөх уулзалт зохион байгуулж Макаод консулын төлөөлөлтэй болохоор ярилцаж байна.

Э.Энхцолмон http://www.niigmiintoli.mn/

GoGo Facebook Хуудас
 
 
Та хувийн эмнэлэгт хүүхдээ үзүүлэхдээ сэтгэл хангалуун байдаг уу?
Нийт 2514 санал өгсөн байна.

Дээшээ