Баянзүрхчүүд эв нэгдлийг бэлэгдэж хөшөөт цогцолбор сүндэрлүүллээ

Энэ мэдээг шинэ хувилбараар унших бол арын товч дээр дарна уу
Сэтгүүлч О.Ариунбилэг

2011-07-10 16:28 GMT+8

Ногоон байгууламж, тохижилт, цэвэр цэмцгэр байдлаараа Баянзүрхчүүд бусад дүүргээс ялгардаг. Бусад дүүргүүдээсээ хамгийн их хөрөнгө оруулалтын ажил хийж байгаа Баянзүрх дүүрэгт “Эвтэй дөрвөн амьтан”-ы цогцолбор байгуулагдаж  нээлтээ хийлээ.

Баянзүрх дүүргийн Засаг дарга Б.Батзоригийн санаачлагаар Сансарын аюулгүйн тойрог дээр Баянзүрхчүүдийн эв эеийн бэлгэдэл болсон Эвтэй дөрвөн амьтаны хөшөөт цогцолбор сүндэрлэн бослоо. Хог шороонд дарагдсан, хэдэн том чулуу өрж тавьснаас өөр юмгүй байсан энэ тойрогт эв нэгдлийг билэгдэж Эвтэй дөрвөн амьтны хөшөөт цогцолборыг байгуулжээ. Аюулгүйн тойрог ч өнгөө засч цоо шинэ орчныг эргэн тойрондоо бүрдүүлж чадсан байна.

Баянзүрх дүүрэгт хийгдэж байгаа томоохон бүтээн байгуулалтуудын нэг нь энэ юм. Эвтэй дөрвөн амьтан цогцолбор газраас өргөгдсөн өндөр нь 15 метр,  хөшөөний эх бие зааны хөлөөс модны үзүүр хүртэл 11 метр аж. Энэхүү цогцолборын эргэн тойронд өнгө өнгийн гэрэлтүүлгийг хөшөө тийш харуулан байрлуулжээ.
 
Цогцолборыг гүйцэтгэх ажлыг “Наму дэвжих” ХХК 20 гаруй ажилчид энэ оны тавдугаар сарын 3-наас эхэлсэн юм. Дүүргийн иргэдийн тав тухтай амьдрах орчныг бүрдүүлэх Засаг даргын мөрийн хөтөлбөрт багтаж буй бүтээн байгуулалтын ажлуудын салхийг хагалсан нээлтийн ажиллагааг дүүргийн Засаг дарга Б.Батзориг нээж 100 гаруй иргэд оролцжээ.

М.Жаргал

GoGo Facebook Хуудас
 
 

Дээшээ