Ирэх сарын 1-нээс Баруунтуруун болон Рашаантын товчоог нэгтгэнэ Шалган бүртгэх товчоодоор нэвтрэхэд төлбөр хураах нэрийдлээр түгжрэл саатал үүсгэдэг тухай иргэдээс гомдол, мэдээлэл байнга ирдэг. Энэ нь нэг талаас Төрийн байгууллагуудын үйл ажиллагааны уялдаа холбоо, зохион байгуулалтаас шалтгаалж байна. Тухайлбал, Сонгинохайрхан дүүргийн нутаг дэвсгэрт байрлах Баруунтурууны төлбөр хураах, шалган бүртгэх товчоо нь Нийслэлийн Авто замын хөгжлийн газрын харьяанд ажилладаг, хэдхэн км-ийн цаана байх Рашаантын буюу 361 дүгээр гарамын товчоо нь Зам, тээврийн хөгжлийн төв ТӨҮГ-ын харьяанд үйл ажиллагаагаа явуулж, нэг нь орон нутгийн дугаартай тээврийн хэрэгслээс нийслэл рүү ороход, нөгөө нь Улаанбаатарын дугаартай тээврийн хэрэгсэл хотоос гарахад зам ашигласны төлбөрийг иргэдээс тус тус хураадаг. 4 цаг 53 минут
Бага насны хүүхэдтэй айл хэсэхгүй байх, маск зүүлгэх, хоолой амыг нь зайлуулж байхыг зөвлөлөө Нийслэлийн эрүүл мэндийн газраас сар шинийн баярын өдрүүдэд аль болох бага насны хүүхдүүдтэйгээ айл хэсэхгүй байх, зайлшгүй тохиолдолд хүүхдүүдээ дулаан хувцаслаж явах, маск зүүлгэхийг зөвлөлөө. Мөн гэртээ ирээд хүүхдийнхээ дархлааг нь дэмжих, хоолой амыг нь зайлуулах, халуун аарц чацаргана өгснөөр томуу, томуу төст өвчнөөс урьдчилан сэргийлнэ гэлээ. Шинэ жилийн баярын дараа амбулаторийн үзлэгийн 8 хувийг томуу томуу төст өвчин эзэлж байсан бөгөөд, орны ачаалал 74 хувь хүртэл нэмэгдсэн байна. Тиймээс Өрхийн эрүүл мэндийн төв болон дүүргийн эрүүл мэндийн төвүүдийн хүүхдийн кабинетуудыг уртасгасан цагаар ажиллуулж, ЭМШУҮИС-ийн оюутнуудыг нэмэлтээр ажиллуулжээ. Одоогоор орны ачаалал хэтрэлт буурсан ч амбулаторийн үзлэгийн эзлэх хувь 7,2% буюу томуу томуу төст өвчний гаралт ихэссэн хэвээр байна гэлээ. Мөн сар шинийн баярын өдрүүдээр хоолны хорлого ихэсдэг тул зөв зохистой хооллож, хордлого авахаас сэргийлэх хэрэгтэйг санууллаа. Мөн архи хэтрүүлэн хэрэглэдгээс осол гэмтэл ихэсдэг тул зөв зохистой идэж уухыг анхаарууллаа. Баярын өдрүүдэд өрхийн эрүүл мэндийн төвүүд уртасгасан цагаар, дүүргийн эрүүл мэндийн төвүүдэд хариуцлагатай жижүүр, тодорхой тасгууд ажиллана. Хүүхдийн хүлээн авах тасгууд, түргэн тусламжийн үйлчилгээ 24 цагаар ажиллана гэлээ. 3 цаг 23 минут
Цагаан сарын бэлгэндээ үндэсний үйлдвэрлэлийн бүтээгдэхүүн сонгоход юу саад болдог вэ?
Нийт 3646 санал өгсөн байна.

Дээшээ