NBA: Крис Бош шинжээчээр эргэн ажиллана "Маяами Хит" багийн довтлогч Крис Бош лигт эргэн ирэхээр болжээ Төрнөр Спортс агентлагийн зүгээс тэдний эрхлэн гаргадаг “Players Only” хэмээх сагсанбөмбөгийн долоо хоног тутмын анализ, дүгнэлтийн нэвтрүүлэгт Крис Бош ажиллахаар болсныг зарлалаа. Бошийн телевизэд ажиллах эхний эфир 2-р сарын 27-ны өдөр гарах хуваарьтай. Төрнөр Спортс агентлагийн студи Атлантад байрладаг бөгөөд Бошоос гадна лигт тоглож байсан шилдэг тамирчид болох Крис Веббер, Барон Дэвис мөн одоогийн шилдэг оддын нэг Айзая Томас нар мөн хамт эфирт суух гэнэ. Нэвтрүүлэг долоо хоног бүрийн Даваа гаригт шинэ дугаар гарах хуваарьтай. Бошийн хувьд 2016 оны 2-р сарын 9-нөөс хойш НБЭ-д нэг ч тоглолтонд оролцож чадаагүй. Улаан эсний асуудлаас болж биеийн байдал бүрэн эрүүл биш байгаа Бош одоо ч гэсэн Маяами Хит багтайгаа гэрээтэй хэвээрээ л байгаа юм. Бошийн Хиттэй байгуулсан гэрээний дагуу дараагийн 3 жилд тэрээр 75,8 сая долларыг авах ёстой. өчигдөр
Та өсвөр насны хүүхэдтэйгээ бэлгийн болон нөхөн үржихүйн сэдвээр хэр нээлттэй ярилцдаг вэ?
Нийт 419 санал өгсөн байна.

Дээшээ