Өнгө өнгийн тоглоом хараад гайхаж баярлах багачууд Өнөөдөр Нийслэлийн Хан-Уул дүүргийн 1 дүгээр хорооны харьяа 53 дугаар цэцэрлэг хичээлийн шинэ жилийн нээлтээ хийж, Ээжийнхээ мөөмнөөс ч гараагүй бяцхан үрс өнөөдөр ах эгч нарынхаа адил албандаа орлоо. Ихэнх нь хаана ирснээ ч мэдэхгүй, өнгө өнгийн тоглоом хараад гайхаж баярлах нь зэрэгцэнэ. Харин цөөн хэд нь том том нулимс унагаан, аав ээжийнхээ энгэрээс зүүгдэн уйлцгаана. Энэ жил 2015 онд төрсөн хүүхдүүд цэцэрлэгт шинээр элссэн. Ихэвчлэн дөнгөж ярьж сурч байгаа, зарим нэг нь живхнээсээ гараагүй, бие засахаа ойлгуулж чадахгүй багачууд олон бий. Гэхдээ тун удахгүй өхөөрдөм бяцхан үрс маань ачтай буянтай багш нарынхаа ачаар цэцэрлэгтээ дасан, дуу шүлэг сурч, чөлөөтэй ярьдаг болно. Энэ жил 53 дугаар цэцэрлэгийн гаднах тоглоомын талбайг шинэчлэн засахаас гадна сагсан бөмбөгийн талбай байгуулах талаар яригдаж байгааг дуулгасан юм. 2017-09-01 1
Өнөөдөр Монголын бүх хүүхэд усанд орно буюу аав ээжүүдийн БЭЛДЭХ ЗҮЙЛС Маргааш хүүхдээ цэцэрлэг сургуульд нь явуулахаас өмнө дараах зүйлсийг бэлдэхийг сануулж байна. Хүүхдийнхээ дүрэмт хувцсыг индүүдэж бэлдэх, цэцэрлэгийн хүүхэдтэй бол ангид сольж өмсөх биед эвтэйхэн хувцас шаахай бэлдэх Гутлыг нь тослох Охидынхоо үсийг хэрхэн янзлах тухай энд дарж санаа аваарай Хичээлийн хэрэглэлийг бэлтгэх, цэцэрлэгийн багачуудын хичээлийн хэрэглэл дээр таних тэмдгийг нь наах Зуны даалгавраа бүрэн гүйцэт хийсэн эсэхийг нь шалгах Хүүхдийнхээ хумсыг авах Ангид бэлэглэх тасалгааны ургамлаа бэлдэх Багшдаа цэцэг авах Ангийн хүүхдүүд болон багштайгаа мэндэлж сургах Өглөөний цайнд нь тэжээллэг эрүүл хоол өгч байх хэрэгтэй тул хүнсээ цуглуулаад бэлдэж тавиарай. Мөн өдөр идэх хүнсийг бэлдэж өгөөрэй. Монгол хүний өглөөний цайг энд дарж уншаарай Хүүхдээ 9 цагт оронд нь оруулаарай. Хүүхэд эрт унтсанаар эрт сэрдэг. Тиймээс та өглөө нь сэрээх гэж зүдрэхгүй, оройтож боссоноор цэцэрлэг сургуулиасаа хоцрохгүй Зургаан настнууддаа багшдаа бие засах, ам цангах болон хэлэхийг хүссэн зүйлээ айж сандралгүй гараа өргөөд хэлж байхыг сануулаарай. Бас сэтгэлзүйг нь бэлдээрэй Хичээлийн ширээ сандлыг тухтай болгох 2017-08-31 58
 
 

Дээшээ