Б.Чимэг
Шатахууны үнийн өсөлтийг хэджингийн хэлцэл хийх замаар хязгаарлах боломжтой Эрчим хүчний зохицуулах хорооноос цахилгааны үнийг тариф тутамд нь 3 төгрөгөөр нэмэх шийдвэр гаргасан. Шийдвэр өнгөрсөн сарын 7-ноос хэрэгжиж эхэллээ. Мөн өнгөрсөн сард Хот, суурины ус хангамж, ариутгах татуургын ашиглалт, үйлчилгээг зохицуулах зөвлөлөөс Улаанбаатарын төвийн 6 дүүрэг, Налайх дүүргийн хэрэглэгчийн усны үйлчилгээний тарифыг өөрчилсөн. Улаанбаатарын хэрэглэгчийн 1 литр усны тарифыг ахуйн хэрэглээнд цэвэр ус 9 мөнгөөр, бохир ус 11 мөнгөөр, аж ахуйн нэгж байгууллагын цэвэр ус 18 мөнгөөр, бохир ус 20 мөнгөөр тус тус нэмсэн юм. Энэ үнийг энэ сарын 01-нээс мөрдөж байна. Гэтэл өнгөрсөн долоо хоногт зарим шатахуун түгээх станцууд жижиглэнгийн үнээ нэмэв. Тэд иргэд, ААН-үүдийн хамгийн өргөн хэрэглэдэг А-92 бензиний үнийг литр тутамд нь 80-100 төгрөгөөр нэмчихлээ. 
 Энэ мэтээр үнэ алгуур өссөөр байна. Ус, цахилгаан, шатахуун гээд бидний өдөр тутам хэрэглэдэг бараа үйлчилгээ ийнхүү үнэд орсоор байна. Одоогоор нэг зүйл тодорхой байгаа нь эдгээр өсөлтийн нөлөөгөөр ирэх сард инфляц дагаад цойлох нь гарцаагүй. Орон сууц, ус, цахилгаан, түлш инфляцид 0.9 хувийн жин эзэлдэг бол тээврийнх 0.7 хувь. Өнгөрсөн сарын байдлаар инфляц улсын дунджаар 6.7 хувь байв. Нийслэлд бол 9 хувийг хэдийнэ давчихсан. Тэгвэл эдгээр үнийн өсөлтийг хэрхэн хазаарлаж, савлагааг бууруулах вэ? 2019-05-07 8 71
2018 онд хамгийн их татвар төлсөн ТОП АРВАН КОМПАНИ Жил бүрийн тавдугаар сарын эхээр “Татвар төлөгчдийн өдрүүд”-ийг тэмдэглэдэг. Хорь дахь жилдээ болж буй өдрүүдийг Татварын ерөнхий газрын дарга Б.Заяабал нээн үг хэллээ. Тэрээр ирээдүйн татвар төлөгчдийг одооноос бэлтгэхэд анхаарч, хүүхдүүдэд танхимын сургалт явуулдаг гэв. Тэдний дунд гар зураг, зохион бичлэгийн уралдаанд явуулдаг юм. Энэ оны татвар төлөгчдийн өдрийг "Татвар хөгжлийн үндэс" гэсэн уриан дор долоо хоногийн турш тэмдэглэнэ. Мөн жил бүр шилдэг татвар төлөгч ААН-үүдийг шалгаруулдаг. 2018 онд 551.6 тэрбум төгрөгийн буюу улс, орон нутгийн төсөвт хамгийн их татвар төлж, уулын баяжуулах “Эрдэнэт” үйлдвэр нэгдүгээрт оржээ. Эхний арван компани дангаараа татварын нийт орлогын 41 хувийг эзэлжээ. Тэдний 8 нь уул уурхайн компаниуд байна. Нэг нь үйлдвэрлэлийн, үлдсэн нэг нь санхүүгийн үйлчилгээ үзүүлэгч байна. Компаниудын нэрсийг энэ долоо хоногт зарлах юм байна. 2018 онд хамгийн их орлого цуглуулж, ашигтай ажилласан ААН-үүдийг мөн шалгаруулжээ. Манай улсын нийт татварын орлогын 40 хувийг ААНОТ эзэлдэг. Энэ татварыг тухайн компанийн ашигт ногдуулдаг. “ЭТТ” ХК 209 тэрбум төгрөгөөр энэ номинацид тэргүүлжээ. Энэ хэсэгт тэргүүлсэн эхний арван 10 компани нийт ААНОТ-ын 56 хувийг бүрдүүлжээ. Эндээс харвал эхний 10-т жагссан компаниуд улс, орон нутгийн татварын орлогыг бүрдүүлэхэд томоохон үүрэг гүйцэтгэж байна. ХАМГИЙН ИХ НӨАТ-ЫН БАРИМТ ОЛГОСОН КОМПАНИУД (салбараар) 26 сая 286 мянган баримтыг МОБИКОМ корпораци, 14 сая баримтыг Номин их дэлгүүр, 394 мянган баримтыг иргэн н.Рэгзэдмаа (жижиг дэлгүүр ажиллуулдаг) тус тус олгосон байна. 2019-05-06 33 290
 
 

Дээшээ