Б.Сондор
“1000 инженер” төслийн танилцуулгыг гуравдугаар сард зохион байгуулна “Инженер технологийн дээд боловсрол” төслийн удирдах хорооны 26 дугаар хурал өнөөдөр боллоо. Хурлаар Япон улсад энэ оны 4 дүгээр сараас зэргийн сургалт буюу судлаач оюутан, магистр, докторын хөтөлбөрт хамрагдах 16 оюутны нэрсийг баталж, хоёр оюутны суралцах хугацааг сунгалаа. Инженер технологийн дээд боловсрол төсөл энэ оны гуравдугаар сарын 11 ээс 15-ны өдөр төслийн долоо хоног арга хэмжээг зохион байгуулахаар төлөвлөж байна. Хамтарсан судалгааны баг хоорондын болон Монгол-Японы их, дээд сургуулиудын хамтын ажиллагааг хөгжүүлэх, эрдэм шинжилгээ, судалгааны ба бизнесийн байгууллагуудын хамтын ажиллагааг ойртуулах, мэдлэгийн эдийн засгийн эргэлтэд хувь нэмэр оруулах, төсөл ба хамтарсан судалгааны хөтөлбөрийн үр дүнг олон нийтэд сурталчлан таниулах зорилготой тус арга хэмжээний хүрээнд хийгдэх нэг том ажил нь Монгол-Японы хамтарсан судалгааны нэгдсэн хурал юм. Мөн “1000 инженер ба ажлын байр” өдөрлөг, нээлттэй хэлэлцүүлэг, танилцах аялал зэргийг хөтөлбөртөө багтаасан байна. Төслийн долоо хоног арга хэмжээний хөтөлбөрийг өнөөдрийн Удирдах хорооны хурлын тогтоолоор баталлаа. 2019-01-31 26
Энэ амралтын өдрүүдэд Нарантуул худалдааны төв рүү нэмэлт автобус явна Нийслэлийн тээврийн газраас сар шинийн баяр болох гэж байгаатай холбогдуулан нийслэлийн Авто замын хөдөлгөөний ачааллыг бууруулах зорилгоор дугаарын хязгаарлалт хийгдэх өдрүүд буюу хоёрдугаар сарын 2, 3-ны баямба, ням гарагуудад тодорхой суурьшлын цэгүүдээс Нарантуул худалдааны төв рүү 10 их багтаамжийн автобус 10:00, 12:30, 15:00 цагуудад үйлчилнэ. Баярын өмнөх өдрүүдэд томоохон худалдааны төв рүү зорчих зорчигчдын хөдөлгөөн ихэсч, ачаалал үүсдэг “Дэнжийн 1000”-ын замын ачааллыг сийрүүлэх зорилгоор Дэнжийн 1000-ын замаар үйлчилдэг нийтийн тээврийн 4 чиглэлийн хөдөлгөөнийг нэг урсгалаар явуулах зохицуулалт хийгддэг тул 08:00-17:00 цаг хүртэл Ч:21а "Булгын 19-р гудамж-Вокзал-3,4-р хороолол", Ч:21б "Булгын 19-р гудамж-3,4-р хороолол-Вокзал", Ч:31 "Улиастай-Баянбүрд-Зам гүүрийн авто бааз", Ч:55 "Зайсан-Дэнжийн 1000-ЗГАБ-Согоотын гудамж" чиглэлүүдийн хөдөлгөөний чигт өөрчлөлт орно. Нийтийн тээврээр үйлчлүүлэгч иргэд та бүхэн үйлчилгээтэй холбоотой санал хүсэлтээ 70044040 утсанд 24 цагийн турш өгөх боломжтой гэж нийслэлийн Тээврийн газраас мэдээлэв. 2019-01-29 1 3
ФОТО: Устаж болзошгүй зэрлэг амьтдад хэдхэн хором анхаарлаа хандуулаарай Гайхалтай бөгөөд сонирхолтой зүйлсийг нэг дор багтааж чадсан зүйл бол урлаг билээ. Шведийн нэгэн гэрэл зурагчин Андреас Хаггковист дэлхийн устаж болзошгүй амьтдыг маш гоёмсогоор дүрсэлсэн цуврал гэрэл зурагийг авчээ. Ингэснээр уг амьтдыг хамгаалах, тоо толгой нь цөөрөхөөс сэргийлэх үйл ажиллагаанд олны анхаарлыг татаж байгаа аж. “Яг л дуу хөгжим шиг, гайхалтай дүр зургаар аливааг илэрхийлэх нь хэдэн мянган үгнээс илүү хүчтэй. Уран бүтээлч хүн дэлхийн болон нийгмийн гээд аливаа асуудлыг урлагийн тусламжтайгаар олны анхаарлыг татах, шийдэл олж чаддаг” хэмээн Андреас Хаггковист сэтгэгдлээ хуваалцжээ. Түүний гайхалтай зургуудыг хараад танд таатай санагдаж инээмсэглэж болох ч дэлхий эх, устаж болзошгүй байгаа эдгээр амьтдын талаар хэдхэн хором ч гэсэн эргэцүүлэн бодоорой. 2019-01-22 6 31
 
 

Дээшээ