А.Мишээл
Фотошоп программын төлбөргүй сургалт эхэллээ Нийслэлийн Засаг даргын хэрэгжүүлэгч агентлаг Залуучуудын хөгжлийн газар Монгол Улсын Залуучуудын хөгжлийг дэмжих тухай хуулийн дагуу 2017 онд “Нийслэлийн залуучуудын хөгжлийг дэмжих төв”-ийг байгуулан, тус төвийн дэргэд БНСУ-ын Засгийн газрын агентлаг Олон улсын хамтын ажиллагааны байгууллага КОЙКА (KOICA)-гийн санхүүжилттэй “Эм Кэй Ай Ти” (MKIT) сургалтын төвтэй хамтран мэдээллийн технологийн сургалтын төвийг байгуулсан юм. Тус сургалтын төвд сар бүр фотошоп программын сургалтыг төлбөргүй зохион байгуулдаг бөгөөд 2019 оны 2 дугаар ээлжийн сургалтыг энэ сарын 19-ний өдөр эхлүүлээ. Энэхүү мэдээллийн технологийн сургалтын төвд компьютерын үндсэн хэрэглээний сургалтаас гадна мэдээллийн технологийн чиглэлийн 7 төрлийн нарийн мэргэжлийн сургалтыг төлбөргүй зохион байгуулж, залуучуудын хөгжлийг дэмжин ажиллаж байна. гэж Нийслэлийн Залуучуудын хөгжлийн газраас мэдээллээ. 2019-03-21 3 4
1000 өрхөд байшингаа дулаалах сургалт явуулна Сонгинохайрхан дүүргийн иргэдийн 70 орчим хувь нь гэр хороололд амьдардаг гэсэн тоон мэдээлэл бий. Гэр хороололд амьдарч буй иргэдийн хувьд гэр, байшингаа хангалттай хэмжээнд дулаалж чаддаггүйгээс дулаан алдагдал ихээр үүсч, түүнийг дагасан галлагаа нэмэгддэг. Энэ нь утааг илүү их хэмжээгээр үйлдвэрлэж байна гэсэн үг юм. Тиймээс Сонгинохайрхан дүүргийн удирдлагууд “Улаанбаатар хотын гэр хороололд дулааны алдагдал багатай байшин барихад дэмжлэг үзүүлж, зөвлөгөө өгөх, санхүүгийн зуучлалын үйлчилгээ үзүүлэх төсөл”-ийг хэрэгжүүлэгч байгууллагуудыг төлөөлж ЖЭРЭС олон улсын төрийн бус байгууллагын Монгол дахь төлөөлөгчийн газрын дарга Веатриз Марото Изкүэрдотой хамтарч ажиллах санамж бичиг байгууллаа. Ингэснээр тус ТББ-ынхан Сонгинохайрхан дүүргийн 7, 8, 9, 10, 11, 28, 31 гэсэн 7 хорооны 1000 орчим айл өрхийн дунд судалгаа хийн, тэдэнд гэр, байшингаа зөв дулаалах, дулаан алдагдлыг хэрхэн бууруулах талаар сургалт хийж, заавар зөвлөгөө өгөх юм гэж Сонгинохайрхан дүүргийн ЗДТГ-аас мэдээллээ. 2019-03-20 3 117
 
 

Дээшээ