Монгол хэл дээрх анхны “SMART-AB” таблет худалдаанд гарлаа

Бизнес мэдээ

2012-06-27 16:03 GMT+8

Одоогоос яг арван жилийн өмнө “Скайтел ” компани Монголд анх удаа ухаалаг бизнес эрхлэгчдийн нэрийн хуудас болсон 9191 дугаарлалт бүхий “Бизнес класс” үйлчилгээг нэвтрүүлсэн бөгөөд энэ нь үүрэн холбооны оператор компаниудаас анх удаа ярианы төлбөр нь хэрэглээнээсээ хамааран шатлан буурах тооцоолол бүхий шилдэг үйлчилгээ болж чадсан юм.

Харин өнөөдөр энэ үйлчилгээний арван жилийн ой тохиож байна. Тус арга хэмжээний хүрээнд Скайтелчууд Өндөр хурдны өргөн зурвасын 3G сүлжээг анх удаа Монгол улсынхаа бүх аймгийн төв, зарим сум, суурин газруудад нэвтрүүлсэн томоохон ажлыг хийснээр орон нутгийн хэрэглэгчид интернэтийн сүлжээнд гар утас, модемоор холбогдох боломжтой боллоо.

Энэхүү үйлчилгээ нэвтэрч байгаагийн зэрэгцээ “Скайтел” компани өөрийн гэсэн брэнд бүтээгдэхүүнийг бий болгохыг зорьж, нийт хэрэглэгчиддээ үндэсний “SMART-AB” таблетыг өргөн барьж байна. Уйдахгүй, төөрөхгүй, мэдээллээс хоцрохгүй байх боломжийг олгох Монгол инженер, маркетеруудын оюуны хөдөлмөр шингэсэн ухаалаг таблетийг Монголд анх удаа эх хэл дээрээ ашиглах боломжийг өнөөдрөөс эхлэн нээн өгч байгаа ажээ.

Уг бүтээгдэхүүний боломж, давуу талууд:
• Андройд үйлдлийн системийг албан ёсоор Монголд анх удаа өөрийн эх хэлнээ орчуулжээ. Ийнхүү монгол хэлнээ орчуулж Монголын beta хувилбарыг бий болгосноор гадаад хэл дээрх функциудыг эх хэл дээрээ тохируулан хэрэглээний онцлог давуу талыг бий болгож байна.

• Монгол орон даяар тархсан Скайтелийн сүлжээг ашиглан интернэтэд холбогдон хүссэн мэдээллээ авч, найз нөхөдтэйгөө холбогдох, дэлхийн хамгийн том “Арр Market” дахь хагас сая хол давсан үнэгүй, албан ёсны эрхтэй програм, тоглоом, хичээл, хэрэглээний програмуудаас татан авч хэрэглэх онцгой боломжийг нээж өгч байгаа ажээ.

• Оффисийн программыг  албан ёсны эрхтэйгээр ашиглах боломжтой бөгөөд өөрийн файлууд дээр засвар хийж болно

• Интернэт сүлжээ хэрэглэхгүйгээр Монгол орон даяарх авто замын сүлжээнд холбогдсон GPS буюу байршил тогтоох системтэй

• Энгийн GPS-ээс ялгаатай нь интернэтэд холбогдох боломжтой тул очих гэж буй газрынхаа мэдээллийг авах боломжтой

• Youtube, Facebook, Тwitter зэрэг нийгмийн сүлжээ ашиглах боломжтой

Үзүүлэлт:
Сүлжээ: CDMA 800MHz, EVDO Rev.A
Android 2.3: Google Android2.3
Дэлгэц: TFT Capacitive, 800x480 inch7.0
Процессор: 800MHz, Double Kernel ARM11+DSP
Батерей: 3500Mah
Санах ой: 512МВ DDR RAM/512MB FLASH ROM
Гадаад санах ой: 32 GB хүртэлх Micro SD Card дэмжинэ
Дотоод санах ой: 4G
Камер: Урд-0.3 MP Арын-5МР
Бусад: FM радио, дуу хураагуур, Bluetooth, WiFi, USB

Дашрамд дурьдахад “SMART-AB” нь харьцангуй хямд буюу 491.000 төгрөгөөр худалдаалагдаж байгаа бөгөөд хэрэглэгч танд шинэ дугаар, 10.000 нэгж, 30 хоногийн 1GB дата эрх дагалдаж ирэх юм байна.



Б.Соёлмаа

GoGo Facebook Хуудас
 
 
Цэргийн алба хаах хугацааг 3 жил болгон уртасгах, эмэгтэйчүүд цэргийн алба хаадаг болох зэргийг Та дэмжих үү?
Нийт 94 санал өгсөн байна.

Дээшээ