Оюутнуудад урамшууллын тэтгэлэг олгож эхэллээ

Өнөөдөр сонин

2012-12-21 09:38 GMT+8

Суралцах хугацаанд нь Үндэсний тэтгэлэг болох 70200 төгрөгийг оюутнуудад сар бүр олгох болсон. Гэтэл зарим сургууль оюутнуудынхаа өнгөрсөн сарын болон энэ сарын тэтгэлгийг өгөөгүй байгаа аж.

Энэ талаар Сургалтын төрийн сангийн дэд захирал П.Лхагвасүрэнгээс тодруулахад “Сургуулиудын данс руу мөнгийг нь шилжүүлж байна. Энэ сардаа багтаан сургуулиуд оюутнууддаа тэтгэлгийг нь өгнө” гэв.

Түүнчлэн Үндэсний тэтгэлэгтэй хамтатган 9-12 дугаар сарын урамшууллын тэтгэлгийг олгож эхэлжээ. Урамшууллын тэтгэлгийг Үндэсний тэтгэлгээс хувиар тооцож өгдөг.

Тухайлбал, оюутан 50 хувийн урамшууллын тэтгэлэг авна гэж бодвол 30100 төгрөг болох юм. Оюутны голч дүн 3.2-оос дээш бол 50, 3.6- гаас дээш бол 75, Улсын олимпиадад эхний гурван байранд, олон улсын олимпиадад шагналт байранд шалгарсан шинээр элсэгчид 100 хувийн тэтгэлэг авах боломжтой.

Э.Эрдэнэцэцэг

GoGo Facebook Хуудас
 
 
Та хувийн эмнэлэгт хүүхдээ үзүүлэхдээ сэтгэл хангалуун байдаг уу?
Нийт 2544 санал өгсөн байна.

Дээшээ