Венесуэлийн ерөнхийлөгч Уго Чавес өвчний улмаас 58 насандаа хорвоогоос халилаа. Энэ талаар тус улсын дэд ерөнхийлөгч Николас Мадуро мэдэгдсэн бөгөөд тэрбээр Каракасын эмнэлэгт орон нутгийн цагаар өчигдөр 16:25 цагт (манай цагаар өнөөдөр өглөө 05:05цагт) нас баржээ. Түүнтэй энэ баасан гаригт салах ёс гүйцэтгэхээр болжээ.
Уго Чавес жил гаруйн хугацаанд Кубад хэд хэдэн удаагийн хагалгаанд орж, эмчилгээ хийлгэж байсан бөгөөд өнгөрөгч хоёрдугаар сард Каракаст ирснээсээ хойш тэрбээр олон нийтийн өмнө гараагүй юм.
Дэд ерөнхийлөгч Мадуро телевизээр иргэддээ хандан үг хэлэхдээ "Уго Чавес бараг хоёр жилийн хугацаанд маш хүнд хэцүү үеийг даван туулсан" гэжээ. Даваа гаригт Венесуэлийн эрх баригчид 58 настай ерөнхийлөгчөөс амьсгалын замын шинэ төрлийн хүнд өвчин илэрсэн талаар мэдэгдсэн байна. Удаан хугацааны химийн эмчилгээ хийлгэсний улмаас Чавесын амьсгалын систем муудсан тухай Холбоо мэдээллийн сайд Эрнесто Вильегас ярьж байжээ.
14 жил тус улсыг удирдсан ерөнхийлөгчийн эрүүл мэндийн төлөө залбирахаар түүний хэвтэж байсан цэргийн госпитальд олон арван хүн цугларсан байна. Уго Чавесын аарцаг орчим хорт хавдар үүссэн гэсэн таамаглал байгаа ч түүний өвчний талаар нарийн тодорхой зүйл байхгүй аж.
2011 оны нэгдүгээр сард Чавес хорт хавдартай болсон тухайгаа анх удаа мэдэгдэж байжээ. Түүнээс хойш тэрбээр дөрвөн удаагийн мэс засалд орж, химийн эмчилгээ хийлгэсэн байна.
Тэрбээр 2012 оны аравдугаар сард болсон Венесуэлийн ерөнхийлөгчийн сонгуульд ялалт байгуулсан бөгөөд энэ оны нэгдүгээр сарын 10-нд тангараг өргөх ёстой байсан юм. Гэвч удалгүй тус улсын Дээд шүүх тангараг өргөх ёслолын арга хэмжээ хойшлогдохоор боллоо хэмээн мэдэгдэж байв.
Уго Чавесын залгамжлагч гэгддэг Николас Мадуро өмнө нь “ерөнхийлөгч ард түмэндээ зүрх сэтгэлээ өгсөн учраас эрүүл мэндийнхээ төлөө санаа зовохгүй байсан” хэмээн ярьж байжээ.
Харин үүний зэрэгцээ Венесуэлийн иргэд Уго Чавесын эрүүл мэндийн талаар бүрэн мэдээлэл авахыг хүсч байжээ. Өнгөрсөн амралтын өдрүүдэд оюутан болон сөрөг хүчнийхэн түүний биеийн байдлын талаар тодорхой мэдээлэхийг шаардаж, жагсаал зохион байгуулсан юм.
А.Цацрал
Венесуэлийн ерөнхийлөгч Уго Чавес өвчний улмаас 58 насандаа хорвоогоос халилаа. Энэ талаар тус улсын дэд ерөнхийлөгч Николас Мадуро мэдэгдсэн бөгөөд тэрбээр Каракасын эмнэлэгт орон нутгийн цагаар өчигдөр 16:25 цагт (манай цагаар өнөөдөр өглөө 05:05цагт) нас баржээ. Түүнтэй энэ баасан гаригт салах ёс гүйцэтгэхээр болжээ.
Уго Чавес жил гаруйн хугацаанд Кубад хэд хэдэн удаагийн хагалгаанд орж, эмчилгээ хийлгэж байсан бөгөөд өнгөрөгч хоёрдугаар сард Каракаст ирснээсээ хойш тэрбээр олон нийтийн өмнө гараагүй юм.
Дэд ерөнхийлөгч Мадуро телевизээр иргэддээ хандан үг хэлэхдээ "Уго Чавес бараг хоёр жилийн хугацаанд маш хүнд хэцүү үеийг даван туулсан" гэжээ. Даваа гаригт Венесуэлийн эрх баригчид 58 настай ерөнхийлөгчөөс амьсгалын замын шинэ төрлийн хүнд өвчин илэрсэн талаар мэдэгдсэн байна. Удаан хугацааны химийн эмчилгээ хийлгэсний улмаас Чавесын амьсгалын систем муудсан тухай Холбоо мэдээллийн сайд Эрнесто Вильегас ярьж байжээ.
14 жил тус улсыг удирдсан ерөнхийлөгчийн эрүүл мэндийн төлөө залбирахаар түүний хэвтэж байсан цэргийн госпитальд олон арван хүн цугларсан байна. Уго Чавесын аарцаг орчим хорт хавдар үүссэн гэсэн таамаглал байгаа ч түүний өвчний талаар нарийн тодорхой зүйл байхгүй аж.
2011 оны нэгдүгээр сард Чавес хорт хавдартай болсон тухайгаа анх удаа мэдэгдэж байжээ. Түүнээс хойш тэрбээр дөрвөн удаагийн мэс засалд орж, химийн эмчилгээ хийлгэсэн байна.
Тэрбээр 2012 оны аравдугаар сард болсон Венесуэлийн ерөнхийлөгчийн сонгуульд ялалт байгуулсан бөгөөд энэ оны нэгдүгээр сарын 10-нд тангараг өргөх ёстой байсан юм. Гэвч удалгүй тус улсын Дээд шүүх тангараг өргөх ёслолын арга хэмжээ хойшлогдохоор боллоо хэмээн мэдэгдэж байв.
Уго Чавесын залгамжлагч гэгддэг Николас Мадуро өмнө нь “ерөнхийлөгч ард түмэндээ зүрх сэтгэлээ өгсөн учраас эрүүл мэндийнхээ төлөө санаа зовохгүй байсан” хэмээн ярьж байжээ.
Харин үүний зэрэгцээ Венесуэлийн иргэд Уго Чавесын эрүүл мэндийн талаар бүрэн мэдээлэл авахыг хүсч байжээ. Өнгөрсөн амралтын өдрүүдэд оюутан болон сөрөг хүчнийхэн түүний биеийн байдлын талаар тодорхой мэдээлэхийг шаардаж, жагсаал зохион байгуулсан юм.
А.Цацрал