Хүүхдийн парк руу ороход 1000 төгрөг төлнө


2013-05-21 12:27 GMT+8

Үндэсний соёл амралтын хүрээлэн рүү 1000 төгрөгний тасалбараар орно.

Тодруулбал, хүүхдийн паркаар орохдоо хүүхэд 15000, том хүн 20000 төгрөгийн тасалбар авч паркийн бүх тоглоом дээр үнэ төлбөргүй тоглох шинэ журамтай болсон нь иргэдийн зүгээс ихээхэн гомдол дагуулаад байсан юм.

Тиймээс Шударга өрсөлдөөн хэрэглэгчийн төлөө газраас холбогдох байгууллагуудад хяналт шалгалт хийсний үр дүнд ийнхүү хуучин үнэдээ орж парк руу орохдоо 1000 төгрөгний хураамж төлж, нэвтэрсний дараа тухайн тоглоом бүрийнхээ тасалбарыг худалдан авч тоглохоор болсон байна.

Түүнчлэн тус газрын шалгалт дуусаагүй бөгөөд Үндэсний соёл амралтын хүрээлэнд ороход заавал 1000 төгрөг төлөх шаардлагатай эсэхийг тогтоохоор ажиллаж байгаа юм байна. ҮСАХ-ийн зүгээс архичид, хулгайч гэх мэт хүмүүсийг парк руу нэвтрүүлэхгүйн тулд энэ төлбөрийг авдаг хэмээж байгаа аж.

А.Сүрэн

GoGo Facebook Хуудас
 
 
Та хувийн эмнэлэгт хүүхдээ үзүүлэхдээ сэтгэл хангалуун байдаг уу?
Нийт 2428 санал өгсөн байна.

Дээшээ