Төв талбайг Чингис хааны нэрээр нэрлэхээр боллоо


2013-07-15 17:28 GMT+8

НИТХ-ын Тэргүүлэгчийн хуралдаан өнөөдөр боллоо. Хуралдаанд “Гудамж талбайн нэр өөрчлөх тухай” тогтоолын төслийг нийслэлийн Засаг даргын Тамгын газрын дарга Ё.Гэрэлчулуун танилцуулсан юм.

Ингээд Их Монгол улсаа байгуулсан эзэн богд Чингис хааны суу алдар 8 зууныг өртөөлөн туулж, Монгол хүн бүрийн шүтээн, бахархал, омогшил болсоор ирсэн. Тиймээс Монголын төр, түмэн эзэн богд Чингис хаанаа дээдлэн нийслэл хотынхоо төв талбайг Эзэн богд Чингис хааны нэрээр нэрлэхийг Нийслэлийн Иргэдийн Төлөөлөгчдийн Тэргүүлэгчдийн олонх нь санал нэгтэйгээр дэмжлээ.

Эрдэм шинжилгээ, судалгааны байгууллагууд, судлаачид, иргэд, төрийн бус байгууллагуудаас Нийслэлийн Иргэдийн Төлөөлөгчдийн хуралд удаа дараа хүсэлт тавьсны дагуу Монголчуудын сэргэн мандалт хөгжил дэвшлийн тулгуур, бидний бахархал болсон эзэн богд Чингис хааны нэрээр нэрлэхээр боллоо гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

Нэрийг нь сольсон ч Сүхбаатарын хөшөөг буулгахгүй юм байна.

Х.Алтанзагас

GoGo Facebook Хуудас
 
 
Хотын дарга Су.Батболдын ажлыг Та хэрхэн дүгнэх вэ?
Нийт 1229 санал өгсөн байна.

Дээшээ