Нийслэлийн Онцгой байдлын газарт үерийн гамшгийн нөхцөлд ажиллахад нэн шаардлагатай нийт 15 төрлийн 8253 ширхэг жижиг, дунд, том оврын тоног төхөөрөмжийг хүлээлгэн өглөө.
Нийслэлийн Засаг даргын тамгын газар Япон улсын “Бодлого, хүний нөөц Техник туслалцааны хөтөлбөр”-өөс хамтран нийслэлийн нутаг дэвсгэрт “Гамшгийн эрсдлийн менежментийг сайжруулах төсөл”-ийг 14 сарын хугацаанд хэрэгжүүлж буй төслийн хүрээнд 672,000 долларын өртөг бүхий техник хэрэгслийг гардуулсан байна.
Тухайлбал, аврах шуудаг, аврах ажиллагааны хувцас, хөвөгч гүүр, аврах хийлдэг дэвжээ, түр хорогдох байр, уснаас аврах ажиллагааны хувцас, аврагчдын малгайнд бэхэлдэг дүрс бичлэгийн аппарат, могойн дуран, эко шуудай, зөөврийн гэрэлтүүлэг, GPS хэрэгсэл,аврах шуудаг, хайгуулын төхөөрөмж зэрэг богино хугацаанд хүний амь нас, эд хөрөнгийг авран хамгаалах орчин үеийн дэвшилтэт технологи, хэрэгслүүдийг өгсөн талаар Нийслэлийн Онцгой байдлын газраас мэдээллээ.
Төслийг хэрэгжүүлэх ажлын хүрээнд нийслэлийн үерийн эрсдлийн менежментийг сайжруулах, хотын үерийн эрсдлийн менежментийн стратегийг боловсруулах зэрэг тодорхой ажлуудыг шат дараалан авч хэрэгжүүлсэн бөгөөд төслийн үр дүнд нийслэл анх удаа үерийн эрсдэлийн менежментийн стратегитэй болжээ.
Багаж техник хэрэгсэл гардуулж өгөх ёслолын ажиллагаанд Дэлхийн Банкны Монгол Улс дахь суурин төлөөлөгч Ж.Андерсон, Япон улсаас Монгол улсад суугаа Онц бөгөөд бүрэн эрхт Элчин сайд Такэнори ШИМИЗҮ, ОБЕГ-ын дарга бригадын генерал Т.Бадрал, НОБГ-ын дарга, онцгой байдлын хурандаа Н.Уламбаяр, Төслийг Удирдах Нэгжийн захирал Н.Энхболд болон НОБГ-ын удирдлагууд, албан хаагчид оролцжээ.
Нийслэлийн Онцгой байдлын газарт үерийн гамшгийн нөхцөлд ажиллахад нэн шаардлагатай нийт 15 төрлийн 8253 ширхэг жижиг, дунд, том оврын тоног төхөөрөмжийг хүлээлгэн өглөө.
Нийслэлийн Засаг даргын тамгын газар Япон улсын “Бодлого, хүний нөөц Техник туслалцааны хөтөлбөр”-өөс хамтран нийслэлийн нутаг дэвсгэрт “Гамшгийн эрсдлийн менежментийг сайжруулах төсөл”-ийг 14 сарын хугацаанд хэрэгжүүлж буй төслийн хүрээнд 672,000 долларын өртөг бүхий техник хэрэгслийг гардуулсан байна.
Тухайлбал, аврах шуудаг, аврах ажиллагааны хувцас, хөвөгч гүүр, аврах хийлдэг дэвжээ, түр хорогдох байр, уснаас аврах ажиллагааны хувцас, аврагчдын малгайнд бэхэлдэг дүрс бичлэгийн аппарат, могойн дуран, эко шуудай, зөөврийн гэрэлтүүлэг, GPS хэрэгсэл,аврах шуудаг, хайгуулын төхөөрөмж зэрэг богино хугацаанд хүний амь нас, эд хөрөнгийг авран хамгаалах орчин үеийн дэвшилтэт технологи, хэрэгслүүдийг өгсөн талаар Нийслэлийн Онцгой байдлын газраас мэдээллээ.
Төслийг хэрэгжүүлэх ажлын хүрээнд нийслэлийн үерийн эрсдлийн менежментийг сайжруулах, хотын үерийн эрсдлийн менежментийн стратегийг боловсруулах зэрэг тодорхой ажлуудыг шат дараалан авч хэрэгжүүлсэн бөгөөд төслийн үр дүнд нийслэл анх удаа үерийн эрсдэлийн менежментийн стратегитэй болжээ.
Багаж техник хэрэгсэл гардуулж өгөх ёслолын ажиллагаанд Дэлхийн Банкны Монгол Улс дахь суурин төлөөлөгч Ж.Андерсон, Япон улсаас Монгол улсад суугаа Онц бөгөөд бүрэн эрхт Элчин сайд Такэнори ШИМИЗҮ, ОБЕГ-ын дарга бригадын генерал Т.Бадрал, НОБГ-ын дарга, онцгой байдлын хурандаа Н.Уламбаяр, Төслийг Удирдах Нэгжийн захирал Н.Энхболд болон НОБГ-ын удирдлагууд, албан хаагчид оролцжээ.