Цөмийн энергийн комиссын ажлын алба Японы Улсын атомын энергийн агентлаг (JAEA)-тай хамтран “Цөмийн болон цацрагийн ослын бэлэн байдал” сургалт зохион байгуулжээ.
Есдүгээр сарын 28-аас аравдугаар сарын 2-ны өдрүүдэд болсон уг сургалтад 14 байгууллагын 24 мэргэжилтэн, албан хаагчид оролцсон байна.
Тодруулбал, Цөмийн энергийн комиссын ажлын алба, Зэвсэгт хүчний жанжин штаб Гаалийн ерөнхий газар, Мэргэжлийн хяналтын ерөнхий газар, Онцгой байдлын ерөнхий газар Цагдаагийн ерөнхий газар, Нийслэлийн мэргэжлийн хяналтын газар, Улаанбаатар хотын цагдаагийн газар, Хүнсний аюулгүй байдлын үндэсний лавлагаа лаборатори, Орхон аймгийн онцгой байдлын газар, Физик технологийн хүрээлэн, Улсын мал эмнэлэг ариун цэврийн төв лаборатори, МУИС-ийн Цөмийн физикийн судалгааны төв, Улсын нэгдүгээр төв эмнэлгийн мэргэжилтнүүд оролцжээ.
Сургалтаар ионжуулагч цацрагийн тухай үндсэн ойлголт, цөмийн болон цацрагийн осол, түүний сургамжууд, цацрагийн биологи үйлчлэл, цацрагийн ослын үед хэрэглэгдэх хамгаалалтын хувцас хэрэгсэл, цацрагийн ослыг мэдээлэх арга барилыг эзэмших, мэдээллийн ил тод байдал, харилцаа холбоо, цацрагийн ослын бэлэн байдал, ослын үед авах арга хэмжээ, төрийн байгууллагуудын оролцоо зэрэг сэдвүүдээр мэдлэг олгож, дасгал, дадлага ажлуудыг Японы Улсын атомын энергийн агентлагийн мэргэжилтнүүд удирдан явууллаа.
Энэхүү сургалт нь цацрагийн ослоос урьдчилан сэргийлэх, цацрагийн ослын үед авах хариу арга хэмжээг төлөвлөх, бэлэн байдлыг хангуулах, хүний нөөцийг бэлтгэх, төрийн байгууллагуудын уялдаа холбоог сайжруулахад чухал ач холбогдолтой арга хэмжээ болсон байна.
Эх сурвалж: Нийслэлийн мэргэжлийн хяналтын газар
Цөмийн энергийн комиссын ажлын алба Японы Улсын атомын энергийн агентлаг (JAEA)-тай хамтран “Цөмийн болон цацрагийн ослын бэлэн байдал” сургалт зохион байгуулжээ.
Есдүгээр сарын 28-аас аравдугаар сарын 2-ны өдрүүдэд болсон уг сургалтад 14 байгууллагын 24 мэргэжилтэн, албан хаагчид оролцсон байна.
Тодруулбал, Цөмийн энергийн комиссын ажлын алба, Зэвсэгт хүчний жанжин штаб Гаалийн ерөнхий газар, Мэргэжлийн хяналтын ерөнхий газар, Онцгой байдлын ерөнхий газар Цагдаагийн ерөнхий газар, Нийслэлийн мэргэжлийн хяналтын газар, Улаанбаатар хотын цагдаагийн газар, Хүнсний аюулгүй байдлын үндэсний лавлагаа лаборатори, Орхон аймгийн онцгой байдлын газар, Физик технологийн хүрээлэн, Улсын мал эмнэлэг ариун цэврийн төв лаборатори, МУИС-ийн Цөмийн физикийн судалгааны төв, Улсын нэгдүгээр төв эмнэлгийн мэргэжилтнүүд оролцжээ.
Сургалтаар ионжуулагч цацрагийн тухай үндсэн ойлголт, цөмийн болон цацрагийн осол, түүний сургамжууд, цацрагийн биологи үйлчлэл, цацрагийн ослын үед хэрэглэгдэх хамгаалалтын хувцас хэрэгсэл, цацрагийн ослыг мэдээлэх арга барилыг эзэмших, мэдээллийн ил тод байдал, харилцаа холбоо, цацрагийн ослын бэлэн байдал, ослын үед авах арга хэмжээ, төрийн байгууллагуудын оролцоо зэрэг сэдвүүдээр мэдлэг олгож, дасгал, дадлага ажлуудыг Японы Улсын атомын энергийн агентлагийн мэргэжилтнүүд удирдан явууллаа.
Энэхүү сургалт нь цацрагийн ослоос урьдчилан сэргийлэх, цацрагийн ослын үед авах хариу арга хэмжээг төлөвлөх, бэлэн байдлыг хангуулах, хүний нөөцийг бэлтгэх, төрийн байгууллагуудын уялдаа холбоог сайжруулахад чухал ач холбогдолтой арга хэмжээ болсон байна.
Эх сурвалж: Нийслэлийн мэргэжлийн хяналтын газар