Билгийн тооллын XYII жарны гал улаан бичин жилийн хаврын тэргүүн сарын шинийн нэгний өглөөний 08.00 цагаас Монгол Улсын Ерөнхийлөгч Цахиагийн Элбэгдорж Төрийн ордны өмнөх Эзэн Чингис хааны хөшөө, Монгол түмний сүлд хийморийн бэлгэдэл болсон Төрийн есөн хөлт цагаан туганд дараалан хүндэтгэл үзүүллээ.
Монгол Улсын Ерөнхийлөгч үүний дараа Төрийн ёслол хүндэтгэлийн өргөөнд хүрэлцэн ирэхэд УИХ-ын дарга З.Энхболд, Монгол Улсын Ерөнхий сайд Ч.Сайханбилэг нар алд цэнхэр хадаг дэлгэн амар мэндийг нь эрэн золгож, хөөрөг зөрүүлэн мэнд мэдэлцлээ. Монгол Улсын Ерөнхийлөгч, УИХ-ын дарга, Монгол Улсын Ерөнхий сайд нар айлчлан ирж байгаа гал бичин жилийн өнгийг хэлэлцэж, хүн зон амгалан тайван, мал сүрэг өсөн үржиж, өвлийг өнтэй давж, налгар хавартай золгож байгаа талаар ярилцлаа.
Төрийн золголтын дараа Монгол Улсын Соёлын гавьяат зүтгэлтэн, өнгөрч буй хонин жилд Ардын жүжигчин цол хүртсэн ерөөлч, магтаалч Ц.Цэрэндорж төрийн хан хуурын хөг эгшгийг тааруулж,Төрийн ёслол, хүндэтгэлийн өргөөний жаврыг үргээн төр, түмэндээ өргөх магтаалыг хайлав.
Үүний дараа Монголын бурхан шашинтны төв Гандантэгчинлэн хийдийн тэргүүн хамба, гавьж Д.Чойжамц, Дашчойлин хийдийн тэргүүн хамба Ч.Дамбажав нар Төрийн хүндэтгэлийн өргөө гэрт морилон ирж Монгол Улсын Ерөнхийлөгч, УИХ-ын дарга, Монгол Улсын Ерөнхий сайд нарт бараалхан золгож, ирж буй гал бичин жилийн өнгийг хэлэлцэв. Хамба нар айлсан ирж байгаа гал бичин жилд монголчууд хийморь сүлд өөдөө, хөгжин бадрахын нигууртайг айлтгав.
Монголын бурхан шашинтны төв Гандантэгчинлэн хийдийн тэргүүн хамба, гавьж Д.Чойжамц битүүний үдшээс шинийн нэгний үүр цайтал Цэдэр Лхам хурж, ард иргэд олноороо даган баясч номын буян хураасныг айлтгаад энэ жил согтуу хөлчүү хүнгүй, ёс уламжлалаа хүндэтгэн дагасан, үндэсний дээл хувцсаа үнэтэй нандин эдээр хэв загвар уран тансаг хийн эдэлж хэрэглэдэг болсныг сайшаан хэлжээ.
Билгийн тооллын XYII жарны гал улаан бичин жилийн хаврын тэргүүн сарын шинийн нэгний өглөөний 08.00 цагаас Монгол Улсын Ерөнхийлөгч Цахиагийн Элбэгдорж Төрийн ордны өмнөх Эзэн Чингис хааны хөшөө, Монгол түмний сүлд хийморийн бэлгэдэл болсон Төрийн есөн хөлт цагаан туганд дараалан хүндэтгэл үзүүллээ.
Монгол Улсын Ерөнхийлөгч үүний дараа Төрийн ёслол хүндэтгэлийн өргөөнд хүрэлцэн ирэхэд УИХ-ын дарга З.Энхболд, Монгол Улсын Ерөнхий сайд Ч.Сайханбилэг нар алд цэнхэр хадаг дэлгэн амар мэндийг нь эрэн золгож, хөөрөг зөрүүлэн мэнд мэдэлцлээ. Монгол Улсын Ерөнхийлөгч, УИХ-ын дарга, Монгол Улсын Ерөнхий сайд нар айлчлан ирж байгаа гал бичин жилийн өнгийг хэлэлцэж, хүн зон амгалан тайван, мал сүрэг өсөн үржиж, өвлийг өнтэй давж, налгар хавартай золгож байгаа талаар ярилцлаа.
Төрийн золголтын дараа Монгол Улсын Соёлын гавьяат зүтгэлтэн, өнгөрч буй хонин жилд Ардын жүжигчин цол хүртсэн ерөөлч, магтаалч Ц.Цэрэндорж төрийн хан хуурын хөг эгшгийг тааруулж,Төрийн ёслол, хүндэтгэлийн өргөөний жаврыг үргээн төр, түмэндээ өргөх магтаалыг хайлав.
Үүний дараа Монголын бурхан шашинтны төв Гандантэгчинлэн хийдийн тэргүүн хамба, гавьж Д.Чойжамц, Дашчойлин хийдийн тэргүүн хамба Ч.Дамбажав нар Төрийн хүндэтгэлийн өргөө гэрт морилон ирж Монгол Улсын Ерөнхийлөгч, УИХ-ын дарга, Монгол Улсын Ерөнхий сайд нарт бараалхан золгож, ирж буй гал бичин жилийн өнгийг хэлэлцэв. Хамба нар айлсан ирж байгаа гал бичин жилд монголчууд хийморь сүлд өөдөө, хөгжин бадрахын нигууртайг айлтгав.
Монголын бурхан шашинтны төв Гандантэгчинлэн хийдийн тэргүүн хамба, гавьж Д.Чойжамц битүүний үдшээс шинийн нэгний үүр цайтал Цэдэр Лхам хурж, ард иргэд олноороо даган баясч номын буян хураасныг айлтгаад энэ жил согтуу хөлчүү хүнгүй, ёс уламжлалаа хүндэтгэн дагасан, үндэсний дээл хувцсаа үнэтэй нандин эдээр хэв загвар уран тансаг хийн эдэлж хэрэглэдэг болсныг сайшаан хэлжээ.