Үнийн өсөлтөөс үргэлж болгоомжилж ирсэн Монголчуудыг “дефляци” гэх үзэгдэл гайхшруулав. Шинэлэг энэ мэдээнд баярлах уу, эсвэл болгоомжлох уу гэдгээ шийдэхийн тулд эхлээд дефляци гэж юу болох, ямар шалтгааны улмаас үүссэн, хэрхэн өрнөсөн, цаашид яах вэ гэдгийг мэдэх хэрэгтэй.
Монгол банкны эдийн засагч Б.Түмэнцэнгэл инфляциас дефляци руу шилжсэн үйл явцыг ингэж тайлбарлажээ.
Дефляци гэж юу вэ?
Ийм нэг жишээнээс эхэлье: 100 тѳгрѳгийн үнэтэй талхнаас ѳѳр зүйл дэлгүүрт зардаггүй улс байв. Хэрэв талхны үнэ ѳсч 110 тѳгрѳг болвол тэр улсад инфляци 10% байсан гэж дүгнэж болно. Эсрэгээрээ, талхны үнэ 10 тѳгрѳгѳѳр буурвал 10%-ийн дефляци бий болжээ гэж үзэх боломжтой. Цаашид 1000 төгрөгтэй хүний худалдаж авах талхны тоо 9 байх уу, эсвэл 11 байх уу гэдэг баримжаа өгөх учраас инфляци, дефляцийг ийнхүү тооцдог.
Манай орны хувьд, мэдээж талхнаас гадна олон бараа үйлчилгээ зах зээл дээр бий. Иймд инфляци Монголд хэд вэ гэдгийг тооцохдоо эхлээд айл өрхүүд хамгийн ихээр худалдан авдаг бараа үйлчилгээнүүдийг сонгож авна. Тухайлбал Улаанбаатарт 329, орон нутагт 214 нэр тѳрлийн өргөн хэрэглээний бараа үйлчилгээг сонгодог. Тэдгээр бүтээгдэхүүний үнэ тодорхой хугацаанд хэрхэн ѳѳрчлѳгдснийг харьцуулна. Хэрэв үнийн дундаж нь 10 хувь ѳссѳн бол инфляци 10 хувь гэдэг тооцоо гарна. Харин дундаж үнэ буурсан бол дефляци бий болжээ гэж дүгнэнэ.
Мэргэжлийнхний хувьд, “ѳргѳн хэрэглээний 329 нэр тѳрлийн бараа үйлчилгээ” гэдэг урт нэрийг “хэрэглээний сагс” гээд товчилчихдог. Түүнчлэн мах, гурил гэх мэт өрхийн зардалд өндөр жинтэй бүтээгдэхүүний үнийн өөрчлөлт хэрэглээний сагсны дундаж үнэд өндөр нөлөөтэй байхаар тооцно. Мөн ямар хугацааны үнийн өсөлтийг харьцуулж буйгаас шалтгаалаад сарын инфляци, жилийн, эсвэл оны инфляци (өмнөх оны эцэстэй харьцуулсан үед) гэж ялгадаг.
Дефляци руу хэрхэн оров?
Ѳнгѳрсѳн наймдугаар сард Улаанбаатарт жилийн инфляци -0.6 хувь байсныг саяхан Үндэсний статистикийн хорооноос зарласан. Инфляци ийнхүү хасах утгатай болж, дефляци үүссэн нь дараах шат дараалалтай өрнөжээ.
I шат: 2016 он гарсаар Улаанбаатарт жилийн инфляци 3 хувийн дотор байв. Инфляци 1990-ээд онд 300 хувь давж, түүнээс хойш ихэнхидээ 2 оронтой тоогоор хэмжигдэж ирсэн манай оронд энэ нь маш нам дор түвшин юм.
II шат: Наймдугаар сард хүнсний бүтээгдэхүүний үнэ, тэр дундаа мах, ногооны үнэ хямдарчээ. Жишээ нь, 1 кг тѳмсний үнэ өнгөрсөн жилийн наймдугаар сард дунджаар ₮1397 байсан бол энэ жил ₮939 байв. Харин үхрийн махны дундаж үнэ ₮7230-aaс ₮6865 болж хямдарчээ. Хэрэглээний сагсны 30 хувийг орчмыг бүрдүүлж, инфляцид том нөлөө үзүүлдэг хүнсний бүтээгдэхүүний үнэ буурснаар нэгэнт нам дор түвшинд байсан инфляци хасах утга руу орсон байна.
Дефляцийн шалтгаан юу байв?
II шатанд өрнөсөн зүйлс буюу аль хэдийнэ нам дор түвшинд байсан инфляци хасах утгатай болсон шалтгаан энгийн.
• Гантай байсан өнгөрсөн жилтэй харьцуулахад энэ жил нийт нутгаар зуншлага сайтай байсан тул ургац ногоо элбэг, үнэ нь хямд байна.
• Хичээл эхлэхийн өмнө хүүхдийнхээ сургалтын тѳлбѳрийг бэлддэг малчдын хувьд “Оюутны 70” олгодог байсан өмнөх жилтэй харьцуулахад бэлэн мөнгөний хэрэгцээ өссѳн нь лавтай. Улмаар зах зээлд мах ихээр нийлүүлснээр үнэ нь буурсан байх магадлалтай.
Эх сурвалж: Монгол банк
Үнийн өсөлтөөс үргэлж болгоомжилж ирсэн Монголчуудыг “дефляци” гэх үзэгдэл гайхшруулав. Шинэлэг энэ мэдээнд баярлах уу, эсвэл болгоомжлох уу гэдгээ шийдэхийн тулд эхлээд дефляци гэж юу болох, ямар шалтгааны улмаас үүссэн, хэрхэн өрнөсөн, цаашид яах вэ гэдгийг мэдэх хэрэгтэй.
Монгол банкны эдийн засагч Б.Түмэнцэнгэл инфляциас дефляци руу шилжсэн үйл явцыг ингэж тайлбарлажээ.
Дефляци гэж юу вэ?
Ийм нэг жишээнээс эхэлье: 100 тѳгрѳгийн үнэтэй талхнаас ѳѳр зүйл дэлгүүрт зардаггүй улс байв. Хэрэв талхны үнэ ѳсч 110 тѳгрѳг болвол тэр улсад инфляци 10% байсан гэж дүгнэж болно. Эсрэгээрээ, талхны үнэ 10 тѳгрѳгѳѳр буурвал 10%-ийн дефляци бий болжээ гэж үзэх боломжтой. Цаашид 1000 төгрөгтэй хүний худалдаж авах талхны тоо 9 байх уу, эсвэл 11 байх уу гэдэг баримжаа өгөх учраас инфляци, дефляцийг ийнхүү тооцдог.
Манай орны хувьд, мэдээж талхнаас гадна олон бараа үйлчилгээ зах зээл дээр бий. Иймд инфляци Монголд хэд вэ гэдгийг тооцохдоо эхлээд айл өрхүүд хамгийн ихээр худалдан авдаг бараа үйлчилгээнүүдийг сонгож авна. Тухайлбал Улаанбаатарт 329, орон нутагт 214 нэр тѳрлийн өргөн хэрэглээний бараа үйлчилгээг сонгодог. Тэдгээр бүтээгдэхүүний үнэ тодорхой хугацаанд хэрхэн ѳѳрчлѳгдснийг харьцуулна. Хэрэв үнийн дундаж нь 10 хувь ѳссѳн бол инфляци 10 хувь гэдэг тооцоо гарна. Харин дундаж үнэ буурсан бол дефляци бий болжээ гэж дүгнэнэ.
Мэргэжлийнхний хувьд, “ѳргѳн хэрэглээний 329 нэр тѳрлийн бараа үйлчилгээ” гэдэг урт нэрийг “хэрэглээний сагс” гээд товчилчихдог. Түүнчлэн мах, гурил гэх мэт өрхийн зардалд өндөр жинтэй бүтээгдэхүүний үнийн өөрчлөлт хэрэглээний сагсны дундаж үнэд өндөр нөлөөтэй байхаар тооцно. Мөн ямар хугацааны үнийн өсөлтийг харьцуулж буйгаас шалтгаалаад сарын инфляци, жилийн, эсвэл оны инфляци (өмнөх оны эцэстэй харьцуулсан үед) гэж ялгадаг.
Дефляци руу хэрхэн оров?
Ѳнгѳрсѳн наймдугаар сард Улаанбаатарт жилийн инфляци -0.6 хувь байсныг саяхан Үндэсний статистикийн хорооноос зарласан. Инфляци ийнхүү хасах утгатай болж, дефляци үүссэн нь дараах шат дараалалтай өрнөжээ.
I шат: 2016 он гарсаар Улаанбаатарт жилийн инфляци 3 хувийн дотор байв. Инфляци 1990-ээд онд 300 хувь давж, түүнээс хойш ихэнхидээ 2 оронтой тоогоор хэмжигдэж ирсэн манай оронд энэ нь маш нам дор түвшин юм.
II шат: Наймдугаар сард хүнсний бүтээгдэхүүний үнэ, тэр дундаа мах, ногооны үнэ хямдарчээ. Жишээ нь, 1 кг тѳмсний үнэ өнгөрсөн жилийн наймдугаар сард дунджаар ₮1397 байсан бол энэ жил ₮939 байв. Харин үхрийн махны дундаж үнэ ₮7230-aaс ₮6865 болж хямдарчээ. Хэрэглээний сагсны 30 хувийг орчмыг бүрдүүлж, инфляцид том нөлөө үзүүлдэг хүнсний бүтээгдэхүүний үнэ буурснаар нэгэнт нам дор түвшинд байсан инфляци хасах утга руу орсон байна.
Дефляцийн шалтгаан юу байв?
II шатанд өрнөсөн зүйлс буюу аль хэдийнэ нам дор түвшинд байсан инфляци хасах утгатай болсон шалтгаан энгийн.
• Гантай байсан өнгөрсөн жилтэй харьцуулахад энэ жил нийт нутгаар зуншлага сайтай байсан тул ургац ногоо элбэг, үнэ нь хямд байна.
• Хичээл эхлэхийн өмнө хүүхдийнхээ сургалтын тѳлбѳрийг бэлддэг малчдын хувьд “Оюутны 70” олгодог байсан өмнөх жилтэй харьцуулахад бэлэн мөнгөний хэрэгцээ өссѳн нь лавтай. Улмаар зах зээлд мах ихээр нийлүүлснээр үнэ нь буурсан байх магадлалтай.
Эх сурвалж: Монгол банк