Өнөөдрийн арилжаа: “Увс чацаргана”-ы хувьцаа 14 хувиар өсөв

Б.Чимэг GoGo.mn

2017-02-17 17:40 GMT+8

Өнөөдөр Хөрөнгийн бирж “I”, “II, “III” ангилалд бүртгэлтэй 15 хувьцаат компанийн 14,425 ширхэг хувьцаа арилжжээ. Дөрвөн хувьцаат компанийн хувьцаа өсч, долоон хувцаат компанийн хувьцаа буурсан  байна.

Дөрвөн хувьцаат компанийн хувьцаа тогвортой байлаа. “Увс чацаргана” компанийн хувьцаа хамгийн өндөр буюу 14.75 хувиар өссөн бол “Монгол шуудан” 7.91 хувь, “Говь” 0.27 хувиар тус тус өслөө.

Мөн 3,394 ширхэг Засгийн газрын үнэт цаасыг хоёрдогч зах зээлд арилжиж, 360 тэрбум төгрөгийн гүйлгээ хийсэн байна.

Энэ өдөр "MSE ALL" индекс 825.39 нэгж болж, 0.08 хувиар өссөн бол зах зээлийн үнэлгээ 1 их наяд 423 сая төгрөг боллоо.  

Өчигдрийн арилжаа

“I”, “II, “III” ангилалд бүртгэлтэй, 21 хувьцаат компанийн 70,469 ширхэг хувьцаа арилжсан. Дөрвөн хувьцаат компанийн хувьцаа өсч, 13 хувцаат компанийн хувьцаа буурсан. Дөрвөн хувьцаат компанийн хувьцаа тогвортой байлаа.

 “Гутал” компани хамгийн өндөр буюу 4.57 хувиар өссөн бол “Монгол шуудан” 4.34 хувь, “Монголын цахилгаан холбоо” 1.61 хувиар тус тус өслөө. Мөн 17,887 ширхэг Засгийн газрын үнэт цаасыг хоёрдогч зах зээлд арилжиж, нийт 1.9 тэрбум төгрөгийн гүйлгээ хийлээ.

Засгийн газрын үнэт цаасны хоёрдогч зах зээлийн арилжаагаар 17,887 ширхэг үнэт цаасыг 1,7 тэрбум төгрөгөөр арилжаалжээ.

GoGo Facebook Хуудас
 
 
Дөрөвдүгээр сарын 1-нээс автобусанд зөвхөн картаар үйлчлэх болсон. Энэ шийдвэрийн талаарх таны санал?
Нийт 276 санал өгсөн байна.

Дээшээ