Өсвөрийн бөхчүүд гурван хүрэл медаль хүртлээ


2017-03-20 12:30 GMT+8

Япон улсын төвийн бүсийн 31 дэх удаагийн өсвөр үеийн олон улсын тэмцээнээс манай өсвөрийн бөхчүүд гурван хүрэл медаль хүртлээ.

Өнгөрсөн амралтын өдрүүдэд Япон улсын Яйзү хотын спорт цогцолборт болсон тус тэмцээнийг Шизүока мужийн чөлөөт бөхийн өсвөр үеийн эмэгтэй тамирчдын холбооноос зохион байгуулсан юм.

Манай улсаас Өвөрхангай аймгийн “Их Монголын хүчтэн” клубийн дасгалжуулагч Э.Баттүшиг, Налайх дүүргийн “Голомт” цогцолбор сургуулийн дасгалжуулагч Э.Батмөнх нарын удирдлага дор П.Мөнхтүвшин, Б.Төмөр-Очир, М.Толуй, А.Анх-Эрдэнэ, Л.Эрдэнэболор, Ч.Номин гэсэн зургаан тамирчин оролцож, гурван хүрэл медаль хүртлээ.

Тодруулбал,

  • хөвгүүдийн бага сургуулийн 1-2 ангийн 20 кг-ын жинд “Алдар” спорт хорооны тамирчин Пүрэв-Ишийн Мөнхтүвшин,
  • 5-6 ангийн 30 кг-д Налайх дүүргийн тамирчин Алтангэрэлийн Анх-Эрдэнэ,
  • 36 кг-д “Их шавь” дэвжээний тамирчин Мөнхбатын Толуй нар хүрэл медаль хүртэв. 

GoGo Facebook Хуудас
 
 
Намуудын нэр дэвшүүлэх дүрэм таны сонголтод нөлөөлдөг үү?
Нийт 43 санал өгсөн байна.

Дээшээ