#НүүдэлШийдэл: Монголын телевизүүдэд хууль хэрэгтэй юу?

GoGo.mn

2017-03-21 09:50 GMT+8

"Нүүдэл Шийдэл" нэвтрүүлгийн тусгай дугаарт "Монголын телевизүүдэд хууль хэрэгтэй юу?" гэсэн сэдвээр хэлэлцүүлэг өрнүүллээ. Монголын телевизүүдийн чуулган 2017-ын үеэр бэлтгэсэн нэвтрүүлэгт оролцогчдын онцлох эшлэлүүдийг хүргэж байна.

ХХМТГ-ын радио телевизийн сүлжээний бодлого зохицуулалтын хэлтсийн дарга Р.ЭРДЭНЭБИЛЭГ

  • Өргөн нэвтрүүлгийн тухай хуулийн төсөл найман бүлэг, 33 зүйлтэй
  • Хуулийн төслийг 2016 оны сүүлээр УИХ-д өргөн барьсан
  • Одоогийн өргөн барьсан хуулийг хүн бүрийн ашиг сонирхолд 100 хувь нийцүүлнэ гэж би хэлж чадахгүй

Монгол Масс Медиа ХХК-ийн гүйцэтгэх захирал А.АМУНДРА

  • Оператор компаниуд, телевизүүд зохицуулах хороотойгоо хамт ширээний ард сууж зөвшилцөлд хүрэх ёстой
  • Өргөн нэвтрүүлгийн тухай хуулийн төсөлд орсон хамгийн осолтой заалт бол Монгол контентыг дэмжих сангийн мөнгийг ерөнхий сайд хуваарилахаар заасан явдал
  • Эцсийн хэрэглэгчээс авсан мөнгө хэрэглэгчийн үзсэн контент нийлүүлэгчид очих ёстой болохоос биш хэн нэгэн улс төрч түүнийг хувиарлах ёсгүй

“Глоб интернэшнл төв” ТББ-ын тэргүүн Х.НАРАНЖАРГАЛ

  • Телевиз их хүчирхэг учраас үзэгчийн эрх ашгийг хамгаалахын тулд хууль хэрэгтэй
  • Телевиз гэдэг бол үндэсний соёлын илэрхийлэл. Нийгмийн соёлыг төлөвшүүлж, тухайн улсын соёлыг хамгаалахын тулд Өргөн нэвтрүүлгийн тухай хууль маш их хэрэгтэй
  • Өргөн нэвтрүүлгийн тухай хуулийн хамгийн гол баримтлах зарчим бол олон нийтийн эрх ашиг байх ёстой

ETV телевизийн захирал,сэтгүүлч Т.ГАНЗУЛ 

  • Өргөн нэвтрүүлгийн 16 телевизүүд рейтингээрээ үүргийн сангийн мөнгийг хуваарилж авах ёстой гэдэг дээр бүх телевизүүд санал нэгдсэн
  • Хэн илүү сайн контент үйлдвэрлэнэ түүнд илүү боломж олгоё

Максима Консалтинг ХХК-ийн Судалгаа эрхэлсэн захирал Я.ХИШИГСҮРЭН

  • Израйлд олон нийтийн телевизийн үүргийг зөвхөн олон нийтийн телевиз гэсэн статустай байгууллагад даатгадаггүй. Энэ бол маш сайн жишээ
  • Уран сайхны кино, хүүхдэд зориулсан бүтээл цацаж байгаа телевизүүд, өргөн нэвтрүүлгийн телевизүүдийг нэвтрүүлгээ бэлдэж байх хооронд  маш хурдан өндөр үзэлттэй болж байна. Энэ хуулиар уг асуудлыг зохицуулах ёстой

MNBC агаарын олон сувгийн кабелын телевизийн ерөнхий менежер Ж.ЗОЛБАТ

 
  • Өргөн нэвтрүүлгийн тухай хуулийн төсөл өргөн баригдсаны дараа бид хуулийн мэдээлэлтэй танилцсан.
  • Уг нь хуулинд тал талын саналыг сонсох ёстой
  • Одоо өргөн баригдсан хууль эрх тэгш байж чадаагүй

GoGo Facebook Хуудас
 
 
Намуудын нэр дэвшүүлэх дүрэм таны сонголтод нөлөөлдөг үү?
Нийт 43 санал өгсөн байна.

Дээшээ