Нийгмийн энтрепренёруудын чуулган хоёр дахь жилдээ болно

Б.Чимэг GoGo.mn

2017-05-19 15:55 GMT+8

“Хөгжлийн шийдэл” ТББ Залуусын бизнесийг дэмжих санаачлага хөтөлбөрийг хэрэгжүүлдэг. Энэ хүрээнд Нийгмийн энтрепренёруудын чуулганыг хоёр дахь жилдээ  зохион байгуулна. 

“Хөгжлийн шийдэл” ТББ, Лондон хотод төвтэй Youth вusiness international, UK UnLtd Олон улсын байгууллагатай хамтран зохион байгуулах болжээ.

Энэ удаагийн чуулганд нийгмийн энтрепренёр (Social Entrepreneur)-г хөгжүүлэх чиглэлээр арвин туршлагатай, Лондонд төвтэй, UK UnLtd Олон улсын байгууллагын хоёр мэргэжилтэн оролцоно.

Петер Пташко UK UnLtd Олон улсын байгууллага, Global Social Entrepreneurship Network -ын зөвлөхөөр ажилладаг. Ахмед ал-аагам The Foundation for Social Entrepreneurs, UK UnLtd олон улсын байгууллагын сошиал Энтрепренёр, зөвлөх юм.

Монгол Улсын хөгжилд нийгмийн энтрепренёрүүдийн оролцоог нэмэгдүүлэх, энтрепренёршип болон менторингийн тухай ойлголт, практик туршлагыг түгээх нь энэ чуулганы гол зорилго юм.

Чуулганд оролцсоноор 
- Нийгмийн энтрепренёрууд гэж хэн бэ?
- ОУ-д нийгмийн энтрепренёруудыг яагаад илүүдэмжих болов 
- Монголын зарим нийгмийн энтрепренёруудын туршлагаас судлах 
- Social еntrepreneur болон еntrepreneur-ын ялгаа 
- Нийгмийн энтрепренёруудын бизнес загварчлал 
- Ментор зөвлөхийн талаар зөв ойлголт, бодит туршлагаас суралцах боломжтой.

Чуулган энэ сарын 24-ний лхагва гарагийн өглөө 09:30 цагт Бишрэлт зочид буудлын хурлын танхимд болно.

GoGo Facebook Хуудас
 
 
Утааны улирал эхэллээ. Та амны хаалтыг өөртөө болон үр хүүхдүүддээ гадаа орчинд байнга зүүлгэж чадах уу?
Нийт 130 санал өгсөн байна.

Дээшээ