Fiba 3x3-н мэргэжлийн Goyang challenger тэмцээнд манай хоёр баг амжилттай оролцлоо

GoGo.mn

2018-04-16 16:15 GMT+8

Fiba 3x3-н шинэ улирлын мэргэжлийн анхны гранпри тэмцээн  БНСУ-д энэ амралтын өдрүүдээр амжилттай зохион байгуулагдаж өндөрлөлөө. Энэ удаагийн тэмцээнд манай улсаас Улаанбаатар болон Ховд гэсэн мэргэжлийн хоёр баг оролцож зургаа болон есдүгээр байрт шалгарлаа. Манай Ховд ба урдчилсан хэсгийн эхний тоглолтоо Японы Токио хотын багийн эсрэг хийж 20-17-оор хожиж тэмцээнээ амжилттай эхлүүлсэн бол хоёр дахь тоглолтондоо ОХУ-н Москва хотын багийг 21-19-өөр хугацаанаас нь өмнө хожиж шилдэг 12-т багтсан юм.

Улмаар үндсэн хэсэгт  Канадын Саскатоон, Сербийн Белград багуудтай нэг хэсэгт багтсан юм. Улмаар Ховд баг эхний тоглолтоо дэлхийн чансааны 8-т эрэмбэлэгдэж байсан Сербийн Белград багтай хийж 16-17-аар хожсон ч дараагийн тоглолтондоо дэлхийн чансааны 16-т  эрэмбэлэгдэж байсан  Канадын Саскатоон багт 21-10-аар хожигдсон юм. Ингээд манай багийн хувьд Саскатоон болон Белград багуудын тоглолтоос хамааран хэсгээсээ гарах эсэх нь шийдэгдэх байлаа. 

Хэсгийн сүүлийн тоглолтондоо Саскатоон баг 17-15-аар Белград багт хожигдож  оноо тоолж манай баг хэсгээсээ гарч чадалгүй тус тэмцээний 9-р байрт шалгарсан амжилттайгаар тэмцээнээ өндөрлүүлсэн юм. Харин манай өөр нэг баг болох дэлхийн чансаанд 12-т эрэмбэлэгдэж буй Улаанбаатар Хангарьд баг тэмцээний эхний тоглолтоо БНСУ-н Сонгпа багийн эсрэг хийж  18-15-аар хожиж,  дараагийн тоглолтондоо дэлхийн аваргийн мөнгөн медальт Нидерландын Амстердам багт 21-15-аар хожигдсноор хэсгээсээ 2-р байраар хасагдах шатанд гарсан юм. Улмаар хасагдах шатанд АНУ-н  Принцетон багтай тоглож  21-19 харьцаатай хожигдсноор тэмцээний тавдугаар байрт шалгарсан юм. Манай мэргэжлийн багуудыг энэ сарын 21-22-ны хооронд болох Наньжин гранпри тэмцээн хүлээж байна.

GoGo Facebook Хуудас
 
 
Шанхайн Хамтын Ажиллагааны Байгууллагат манай улс элсэн орох саналыг Та дэмжих үү?
Нийт 1561 санал өгсөн байна.

Дээшээ