БНСУ-аас манай улсад суух элчин сайдыг хүлээн авч уулзав

Б.Чимэг GoGo.mn

2018-05-17 10:20 GMT+8

Гадаад харилцааны дэд сайд Б.Батцэцэг Бүгд Найрамдах Солонгос Улсаас Монгол Улсад суух Онц бөгөөд Бүрэн эрхт Элчин сайд Жон Жэ Нам-ыг Итгэмжлэх жуух бичгээ барихтай нь холбогдуулан хүлээн авч уулзав.

Элчин сайд Жон Жэ Нам Монгол Улс, БНСУ-ын “Иж бүрэн түншлэл”-ийн харилцааг шат ахиулан хөгжүүлж, ард түмний найрамдал нөхөрлөлийг бэжүүлэхийн төлөө хүч чармайлт гаргаж ажиллахын зэрэгцээ хоёр улсын иргэдийн зорчих нөхцлийг улам сайжруулах, мөн бүс нутгийн хүрээнд талууд хамтын ажиллагааг хөгжүүлэхэд анхаарч ажиллахаа илэрхийлэв.

Дэд сайд Б.Батцэцэг хоёр улсын харилцаа, хамтын ажиллагаа эрчимжиж буйг онцлон тэмдэглээд Улаанбаатар хотын агаарын бохирдлыг бууруулах төсөлд зориулан БНСУ-ын Засгийн газраас 500 сая ам.долларын зээлийг олгохоор болсонд талархал илэрхийлэв.

Дэд сайд Б.Батцэцэг цаашид хоёр улсын харилцааг бүх талаар хөгжүүлэх, ялангуяа, худалдаа, эдийн засгийн хамтын ажиллагааг гүнзгийрүүлэх, БНСУ-ын хөрөнгө оруулалтыг нэмэгдүүлэх, Монгол брэндийг хөгжүүлэх, мөн иргэдийн солилцоог нэмэгдүүлэхэд БНСУ-тай нягт хамтран ажиллахын төлөө байгаагаа нотлоод Элчин сайдын ажилд өндөр амжилт хүсэв.

GoGo Facebook Хуудас
 
 
УИХ-аас Б.Батзоригийг УИХ-ын гишүүнээс түдгэлзүүлэх, эсэхийг хэлэлцээд шаардлагагүй гэж шийдвэрлэв. Таны бодлоор Улсын ерөнхий прокурорын саналаар Б.Батзоригийн бүрэн эрхийг түдгэлзүүлэн, шалгах нь зөв үү?
Нийт 2391 санал өгсөн байна.

Дээшээ