Баянгол дүүргийн эрүүл мэндийн төв “Хөнгөвчлөх, хими эмчилгээний тасаг”-тай боллоо

Сэтгүүлч Р.Адъяасүрэн

2018-11-08 12:30 GMT+8

Баянгол дүүргийн эрүүл мэндийн төв “Хөнгөвчлөх, хими эмчилгээний тасаг”-тай болжээ. Нийт арван ортой тус тасаг хорт хавдрын эсрэг хими эмчилгээ, хавдраар өвдсөн иргэдэд шинж тэмдгийн эмчилгээ асаргаа сувилгаа хийх, сэтгэл зүйн зөвлөгөө өгөх гэх мэт үйл ажиллагаа явуулах юм. Уг тасагт хавдар, хөнгөвчлөх эмчилгээний эмчээр найм дахь жилдээ ажиллаж буй мэргэжлийн хоёр эмч, гурван сувилагч, нэг асрагч ажиллаж байна.

“Хавдаргүй монгол” сангаас 2016 онд Баянгол дүүргийн эрүүл мэндийн төвд хоёр ортой хөнгөвчлөх хими эмчилгээний өрөөг тохижуулж өгч байсан бол өргөжүүлэн 10 ортой тасаг болгосон нь энэ аж.

Манай улсад анх 2005 онд Хавдар судлалын үндэсний төвд 16 ортой хөнгөвчлөх, хими эмчилгээний тасаг нээгдэж байжээ.

GoGo Facebook Хуудас
 
 
УИХ-ын гишүүн Д.Хаянхярваагийн санаачилгаар нэр бүхий 27 гишүүн У.Хүрэлсүхийн Засгийн газрыг огцруулах шаардлагатай гэж үзэн, тогтоолын төсөл өргөн барилаа. Таны бодлоор Засгийн газрыг огцруулах нь зөв үү?
Нийт 3329 санал өгсөн байна.

Дээшээ