Монголын мэргэжлийн загвар зохион бүтээгчдийн холбоо энэ сарын 27-29-ний өдрүүдэд ОХУ-ын Улаан-Үд хотноо болох “Baikal Fashion week” загварын долоо хоногт оролцохоор болжээ.
Тус холбоонд “Michel & Amazonka”, “Monalun”, “Queen fashion house”, “Futuristic Type”, “Muse art house”, “Ovdog”, “Kidult” зэрэг хувцасны line-ууд нэгдэн үйл ажиллагаагаа хамтран явуулж байна.
Энэ жил “Kidult”-ын хамт олон төлөвлөсөн өөр ажилтай тул загварын долоо хоногт оролцохгүй бөгөөд бусад зургаан line 28-ны өдөр энэхүү шоунд оролцож бүтээлээ танилцуулах гэнэ. Мөн сүүлийн өдөр нь “Anara’s make up” салоны артист О.Наранбилэг мастеруудад сургалт явуулна гэлээ.
-Загварын долоо хоногийн талаар мэдээлэл өгөхгүй юу?
“Michel & Amazonka” компанийн захирал Ч.Мөнхжаргал:
-Энэ удаагийн загварын долоо хоног гурав хоног үргэлжилнэ. Москвагаас цөөн тооны дизайнерууд уригдаж оролцдог юм билээ. Сибирийн нутагтаа болдог нэр хүндтэй том шоу. Тэндээс шилдэг дизайнер шалгарч Москвад загварын долоо хоногт оролцоно. Харин бидний хувьд Монголыг төлөөлж байгаа зочин дизайнерууд. Шоу маань 28-ны өдөр дуусч, 29-нд бид загваруудаа худалдаалах, холбогдох хүмүүстэй уулзах, зураг авалт хийх төлөвлөгөөтэй байна.
-Та бүхэн тус бүрдээ ямар хэв маягаар бүтээлээ туурвидаг вэ?
“Futuristic type”-ийн Х.Отгончимэг:
-Манай “Futuristic Type” ирээдүйгээс ирсэн мэт эсвэл зөгнөлт киноных юм шиг хэв маягтай. Яг street fashion биш. Гэхдээ зөгнөлт гэхээр гадуур өмсөх боломжгүй хувцас гэж хүмүүс ойлгож магадгүй. Амьдрал дээр бусдаас онцлог харагдахыг хүсдэг хүмүүс илүү сонирхох байх.
“Monalun”-ы үүсгэн байгуулагч Х.Номунгэрэл:
-Шоуныхаа үеэр анх удаа баримтат кино хийхээр төлөвлөж байна. Загварын шоунд хэрхэн оролцдог, арын албанд юу хийдэг, юу бэлддэг гэхчлэн энэ бүх өдрүүдийнхээ үйл ажиллагааг кино болгоод цувралаар гаргахаар төлөвлөж байна.
Мөн очоод шоуныхаа үеэр лайв хийнэ. Мөн тус тусын line-ууд өөрсдийн зураг авалтыг хийхээр төлөвлөж байна. Тиймээс бид Sentience студитэй хамтран ажиллаж байна.
-Холбооныхоо үйл ажиллагааны талаар сонирхуулахгүй юу?
“Michel & Amazonka” компанийн захирал Ч.Мөнхжаргал
-Дизайнеруудын холбоо маань хоёр жилийн өмнө байгуулагдсан. Одоо хувцасны долоон line-ий есөн дизайнер нэгдээд байна. Жил болгон бид шинэ залуу дизайнеруудыг элсүүлж авдаг. Өмнөх жил “Kidult”, Д.Овдогмид холбоонд орсон бол энэ жил шинээр “Futuristic Type” нэгдлээ. Ингэснээр загвар зохион бүтээгчдийг нэгтгэж, загварын салбараараа хамтран ажиллахаас гадна зөвхөн дотоодын зах зээл төдийгүй гадагшаа үйл ажиллагаагаа тэлэх зорилготойгоор ажиллах төлөвлөгөөтэй байна.
Холбооны захирал, “Monalun”-ы үүсгэн байгуулагч Х.Номунгэрэл:
-Бид тарж бутарсан байснаас хамтдаа юм бүтээж, загварын шоу зохион байгуулж, цогц стандарт бий болгон гаднын зах зээлд өөрсдийгөө таниулах төлөвлөгөөтэй байна. Хувь хувьдаа тусдаа байвал хүн хүч, хөрөнгө мөнгө их шаардлагатай болдог. Харин нэгдээд юм хийвэл бие биеэ дэмжиж ажиллана.
Эхний ээлжид “Baikal fashion week”-т хамтдаа оролцож, өөрсдийгөө таниулсны дараа Шанхай, Японы загварын долоо хоногуудад оролцох төлөвлөгөөтэй байна.
Уг нь бидэнд урилга ирдэг ч санхүүгийн асуудлаас болоод тэр болгонд оролцож чаддаггүй. Тиймээс жилдээ нэг удаа ямар нэгэн загварын долоо хоногт оролцож байя гэсэн хэтийн зорилго тавьсан.
Тийм учраас гадна дотнын хэрэглэгчдэд монгол дизайнерынхаа бүтээгдэхүүнээ илүү ойртуулж таниулах зорилгоор хоёр дэлгүүрээ нээгээд байна.
-Та бүхэн саяхан Шангри-Ла төвд дэлгүүрээ нээсэн. Удахгүй Эрдэнэтэд дэлгүүртээ болох гэж байна гэсэн?
“Queen fashion house”-ийн захирал Д.Энхмаа:
-Бид “Наадам” төвд холбооныхоо дэлгүүрийг нээн ажиллуулж байгаад саяхан Шангри-Ла Моллд шинэ салбараа нээж үйл ажиллагаагаа явуулж байна. Монгол бүтээгдэхүүнийг гадаадынханд сурталчлахын тулд гаднын жуулчид их ордог хамгийн тохиромжтой газар гэдэг утгаар нь Шангри-Лаг сонгосон.
Бид тэнд дэлгүүр нээчихсэн их бэлтэй хүмүүс шиг харагддаг байх. Гэтэл гаднын томоохон брэндүүдийн төлөөлөгч нар хамгийн түрүүнд “Та нарт дэлгүүр байна уу” гэж асуудаг юм билээ. Харин бид зүгээр л хувь хувийн урлантай хүмүүс. Ямар ч дэлгүүрийн маркетингийг мэдэхгүй.
“Монголдоо сайн танигдаагүй байж яагаад дэлхийн зах зээл яриад байгаа юм? Тийм туршлагыг мэдэхгүйгээр гадаадад гарна гэдэг өндөр эрсдэл” гэдэг юм билээ. Тийм учраас гадна дотнын хэрэглэгчдэд монгол дизайнерынхаа бүтээгдэхүүнээ илүү ойртуулж таниулах зорилгоор хоёр дэлгүүрээ нээгээд байна. Удахгүй Эрдэнэт хотод салбараа нээх төлөвлөгөөтэй байна.
-Үндэсний үйлдвэрлэгчдийн бүтээгдэхүүн үнэтэй байдаг гэсэн яриа байдаг шүү дээ. Үүн дээр та бүхэн ямар бодолтой байдаг вэ?
“Futuristic type”-ийн Х.Отгончимэг:
-Нэг бүтээлд маш олон хүний хөдөлмөр шингэсэн байдаг. Бидний гол зорилго чанартай бүтээгдэхүүн хийгээд тэдгээрийг хэрэглэдэг хэрэглэгчид маань сэтгэл хангалуун байх нь чухал.
Жишээ нь, “Futuristic Type” залуучуудад зориулсан бүтээгдэхүүн үйлдвэрлэдэг учраас залуучууд авах хэмжээний боломжийн үнэтэй байдаг.
Манайх өөрийн гэсэн онцлогтой, хэн нэгний бүтээлийг хуулбарласан биш, өөрийн мэдрэмжээр загвараа гаргаж үйлдвэрлэдэг.
“Queen fashion house”-ийн захирал Д.Энхмаа:
-Яагаад хувцас үнэтэй байна вэ гэж асуудаг учрыг тайлбарлая. Үнэнийг хэлэхэд гадаадад үүнийг оюуны өмч гэж үзэж маш өндрөөр үнэлдэг. Гэтэл Монголд тийм юм байхгүй.
Хүн бидний бүтээлийг үзээд “Дахиад гарах уу?” гэхэд нь “2-3 ширхгийг л үйлдвэрлэнэ” гэвэл худалдан авдаг. Харин олон тоогоор гаргана гэвэл авдаггүй. Тэр олон дамжлагаар үйлдвэрлэсэн бүтээгдэхүүнд үнэ өртөг шингэсэн байдаг.
Нэг бүтээлийг олон дамжлагатай хийдэг. Бид эхлээд загвараа гаргана. Эсгүүрээ судална. Дараа нь шууд давуугаа хайчлаад хийдэггүй. Эхлээд туршилтын материал дээрээ хийж үзээд, суулт болон өмсгөл ямар байх вэ гэдгийг үзнэ. Гар урлалынхаа тооцооллыг хийнэ. Ингээд бүгдийг нь тооцоолж, батлагдсаны дараа үндсэн материалаараа оёж, чимэглэл, хатгамлаа хийдэг. Дараа нь чанар шалгагчаар шалгуулна. Тухайн загвараа ижил хэмжээтэй 2-3 хүнд өмсүүлж шалгадаг.
Гэтэл олон хүний хөдөлмөр шингэсэн бүтээлээ гаргаад худалдаалах гэхэд Монголын хүн ам маш цөөхөн. Хүн бидний бүтээлийг үзээд “Дахиад гарах уу?” гэхэд нь “2-3 ширхгийг л үйлдвэрлэнэ” гэвэл худалдан авдаг. Харин олон тоогоор гаргана гэвэл авдаггүй. Тэр олон дамжлагаар үйлдвэрлэсэн бүтээгдэхүүнд үнэ өртөг шингэсэн байдаг. Тэнд ажилласан ажилчдын цалин хөлс, урсгал зардал гарна. Мөн гаднаас материалаа авахдаа гаальд татвар төлнө. Эндээ бүтээгдэхүүнээ худалдаалсан учраас мөн л татвар төлнө. Уг нь бид гуравхан ширхэг бүтээл гаргаж байгаа бол оюуны бүтээлээ бүр илүү үнэлэх хэрэгтэй.
Гэвч дотор нь орж үзээгүй учраас хүмүүс ойлгохгүй. Бид аль болох чанартай материалаар давтагдахгүй юм хийхийг зорьдог. Олон хүний хөдөлмөр шингэсэн бүтээлээ хэт хямд зарчихвал дараа нь зардлаа яаж нөхөх вэ. Манай хувцасны line-уудын ихэнх нь таваас дээш оёдолчинтой. Оёдолчдоо байнга цалинжуулах шаардлагатай шүү дээ.
Гэтэл биднийг гаднын томоохон брэндүүдтэй харьцуулна. Мэдээж тэд массаар үйлдвэрлэж байгаа учраас эргээд өндөр орлого олж байна.
Дизайнеруудын хувьд нэг гоё бүтээлээ дахиад хийхгүй гэдэг маш харамсалтай байдаг. Дээр нь аль болох давтагдахгүй юм хийнэ. Харин бидний хийсэн загварыг энд тэнд бүрэн хуулаад хямд зарах тохиолдол гардаг. Гэхдээ тэд хүний санаагаар удаан явахгүй. Яг оригинал юм хийдэг, ясны артист хүмүүс нь тунаад л үлдэнэ.
Ер нь ямар ч салбарт юм хийж байгаа хүмүүс нь өртдөг юм билээ. Юм хуулна гэхээс илүү бид араасаа дагуулагч, шинийг санаачлагч байх ёстой гэж боддог.
-Та бүхний хэтийн зорилго юу вэ. Хамтдаа үйлдвэр байгуулах зорилго бий юу. Улсаас тусламж дэмжлэг авч чаддаг уу?
“Queen Fashion House”-ийн захирал Д.Энхмаа:
-Үнэхээр ажил хийе, Монголоо сурталчилсан сайхан юм хийе гэсэн эрмэлзэлтэй залууст нь тэр тусламж дэмжлэг нь хүрдэггүй юм байна. Бид нэгдсэн том үйлдвэртэй болчихвол их амар болно. Бүтээгдэхүүнээ олноор бас хямд гаргах боломж байна.
Бидний эмзэглэж явдаг бас нэг зүйл гэвэл олимпийн тамирчдын хувцас. Тендер зарлагдсан эсэхийг мэдээгүй байхад л хувцас нь хэдийнэ бэлэн болоод тэмцээндээ явах гэж байдаг.
Нэг товчны нүх гаргадаг машин гэхэд л 35 сая төгрөгийн үнэтэй байна шүү дээ. Ядаж улсаас тоног төхөөрөмжөөр дэмждэг бол бид дундаа хуваагаад хийх боломжтой. Мөнгөө нийлүүлээд төхөөрөмж авлаа гэхэд ардаа ажилчидтай, олон ар гэр тэжээнэ гээд явж байгаа хүмүүс тэр мөнгийг хэзээ нөхөх вэ? Зөвхөн ганц товчны нүхийг гараараа хийхэд маш их цаг хугацаа алддаг. Гэх мэтчилэн бидний бүтээгдэхүүнүүдэд цаг хугацаа, хөдөлмөр их ордог юм.
Энэ асуудлыг улс орон шийдээд өгвөл бидний ажил урагштай байх болно. Ганц дизайнер биш есөн дизайнер нэгдэж ажиллаж байна шүү дээ. Уг нь холбогдох газруудад хүсэлтээ өгсөн байгаа. Бид тийм зээл тусламж байдаггүй юм шиг л бодож ажилласаар ирсэн.
Бидний эмзэглэж явдаг бас нэг зүйл гэвэл олимпийн тамирчдын хувцас. Тендер зарлагдсан эсэхийг мэдээгүй байхад л хувцас нь хэдийнэ бэлэн болоод тэмцээндээ явах гэж байдаг. Гэтэл олон нийт дизайнеруудаа чадваргүй байна гэцгээнэ. Нэг үхрийн эвэр доргивол мянган үхрийн эвэр доргино гэдэг шүү дээ. Уг нь олимпд оролцож байгаа хүмүүсийн хувцсыг гоё хийх боломжтой.
Монголыг хөгжүүлэх гээд бор зүрхээрээ тэмцэж, гадагшаа таниулах хүсэл эрмэлзэлтэй байдаг ч тэр олон тендер бидний хажуугаар өнгөрчихдөг юм байна.
Монголд хувцас хийгээд зарах их амархан юм байна гэсэн сэтгэлгээ байдаг. Үүний цаана их хөдөлмөр, авьяас чадвар, цаг хугацаа зарцуулдаг юм шүү гэдгийг ойлгоосой.
-Баярлалаа. Та бүхний ажил үйлсэд өндөр амжилт хүсье.
Монголын мэргэжлийн загвар зохион бүтээгчдийн холбоо энэ сарын 27-29-ний өдрүүдэд ОХУ-ын Улаан-Үд хотноо болох “Baikal Fashion week” загварын долоо хоногт оролцохоор болжээ.
Тус холбоонд “Michel & Amazonka”, “Monalun”, “Queen fashion house”, “Futuristic Type”, “Muse art house”, “Ovdog”, “Kidult” зэрэг хувцасны line-ууд нэгдэн үйл ажиллагаагаа хамтран явуулж байна.
Энэ жил “Kidult”-ын хамт олон төлөвлөсөн өөр ажилтай тул загварын долоо хоногт оролцохгүй бөгөөд бусад зургаан line 28-ны өдөр энэхүү шоунд оролцож бүтээлээ танилцуулах гэнэ. Мөн сүүлийн өдөр нь “Anara’s make up” салоны артист О.Наранбилэг мастеруудад сургалт явуулна гэлээ.
-Загварын долоо хоногийн талаар мэдээлэл өгөхгүй юу?
“Michel & Amazonka” компанийн захирал Ч.Мөнхжаргал:
-Энэ удаагийн загварын долоо хоног гурав хоног үргэлжилнэ. Москвагаас цөөн тооны дизайнерууд уригдаж оролцдог юм билээ. Сибирийн нутагтаа болдог нэр хүндтэй том шоу. Тэндээс шилдэг дизайнер шалгарч Москвад загварын долоо хоногт оролцоно. Харин бидний хувьд Монголыг төлөөлж байгаа зочин дизайнерууд. Шоу маань 28-ны өдөр дуусч, 29-нд бид загваруудаа худалдаалах, холбогдох хүмүүстэй уулзах, зураг авалт хийх төлөвлөгөөтэй байна.
-Та бүхэн тус бүрдээ ямар хэв маягаар бүтээлээ туурвидаг вэ?
“Futuristic type”-ийн Х.Отгончимэг:
-Манай “Futuristic Type” ирээдүйгээс ирсэн мэт эсвэл зөгнөлт киноных юм шиг хэв маягтай. Яг street fashion биш. Гэхдээ зөгнөлт гэхээр гадуур өмсөх боломжгүй хувцас гэж хүмүүс ойлгож магадгүй. Амьдрал дээр бусдаас онцлог харагдахыг хүсдэг хүмүүс илүү сонирхох байх.
“Monalun”-ы үүсгэн байгуулагч Х.Номунгэрэл:
-Шоуныхаа үеэр анх удаа баримтат кино хийхээр төлөвлөж байна. Загварын шоунд хэрхэн оролцдог, арын албанд юу хийдэг, юу бэлддэг гэхчлэн энэ бүх өдрүүдийнхээ үйл ажиллагааг кино болгоод цувралаар гаргахаар төлөвлөж байна.
Мөн очоод шоуныхаа үеэр лайв хийнэ. Мөн тус тусын line-ууд өөрсдийн зураг авалтыг хийхээр төлөвлөж байна. Тиймээс бид Sentience студитэй хамтран ажиллаж байна.
-Холбооныхоо үйл ажиллагааны талаар сонирхуулахгүй юу?
“Michel & Amazonka” компанийн захирал Ч.Мөнхжаргал
-Дизайнеруудын холбоо маань хоёр жилийн өмнө байгуулагдсан. Одоо хувцасны долоон line-ий есөн дизайнер нэгдээд байна. Жил болгон бид шинэ залуу дизайнеруудыг элсүүлж авдаг. Өмнөх жил “Kidult”, Д.Овдогмид холбоонд орсон бол энэ жил шинээр “Futuristic Type” нэгдлээ. Ингэснээр загвар зохион бүтээгчдийг нэгтгэж, загварын салбараараа хамтран ажиллахаас гадна зөвхөн дотоодын зах зээл төдийгүй гадагшаа үйл ажиллагаагаа тэлэх зорилготойгоор ажиллах төлөвлөгөөтэй байна.
Холбооны захирал, “Monalun”-ы үүсгэн байгуулагч Х.Номунгэрэл:
-Бид тарж бутарсан байснаас хамтдаа юм бүтээж, загварын шоу зохион байгуулж, цогц стандарт бий болгон гаднын зах зээлд өөрсдийгөө таниулах төлөвлөгөөтэй байна. Хувь хувьдаа тусдаа байвал хүн хүч, хөрөнгө мөнгө их шаардлагатай болдог. Харин нэгдээд юм хийвэл бие биеэ дэмжиж ажиллана.
Эхний ээлжид “Baikal fashion week”-т хамтдаа оролцож, өөрсдийгөө таниулсны дараа Шанхай, Японы загварын долоо хоногуудад оролцох төлөвлөгөөтэй байна.
Уг нь бидэнд урилга ирдэг ч санхүүгийн асуудлаас болоод тэр болгонд оролцож чаддаггүй. Тиймээс жилдээ нэг удаа ямар нэгэн загварын долоо хоногт оролцож байя гэсэн хэтийн зорилго тавьсан.
Тийм учраас гадна дотнын хэрэглэгчдэд монгол дизайнерынхаа бүтээгдэхүүнээ илүү ойртуулж таниулах зорилгоор хоёр дэлгүүрээ нээгээд байна.
-Та бүхэн саяхан Шангри-Ла төвд дэлгүүрээ нээсэн. Удахгүй Эрдэнэтэд дэлгүүртээ болох гэж байна гэсэн?
“Queen fashion house”-ийн захирал Д.Энхмаа:
-Бид “Наадам” төвд холбооныхоо дэлгүүрийг нээн ажиллуулж байгаад саяхан Шангри-Ла Моллд шинэ салбараа нээж үйл ажиллагаагаа явуулж байна. Монгол бүтээгдэхүүнийг гадаадынханд сурталчлахын тулд гаднын жуулчид их ордог хамгийн тохиромжтой газар гэдэг утгаар нь Шангри-Лаг сонгосон.
Бид тэнд дэлгүүр нээчихсэн их бэлтэй хүмүүс шиг харагддаг байх. Гэтэл гаднын томоохон брэндүүдийн төлөөлөгч нар хамгийн түрүүнд “Та нарт дэлгүүр байна уу” гэж асуудаг юм билээ. Харин бид зүгээр л хувь хувийн урлантай хүмүүс. Ямар ч дэлгүүрийн маркетингийг мэдэхгүй.
“Монголдоо сайн танигдаагүй байж яагаад дэлхийн зах зээл яриад байгаа юм? Тийм туршлагыг мэдэхгүйгээр гадаадад гарна гэдэг өндөр эрсдэл” гэдэг юм билээ. Тийм учраас гадна дотнын хэрэглэгчдэд монгол дизайнерынхаа бүтээгдэхүүнээ илүү ойртуулж таниулах зорилгоор хоёр дэлгүүрээ нээгээд байна. Удахгүй Эрдэнэт хотод салбараа нээх төлөвлөгөөтэй байна.
-Үндэсний үйлдвэрлэгчдийн бүтээгдэхүүн үнэтэй байдаг гэсэн яриа байдаг шүү дээ. Үүн дээр та бүхэн ямар бодолтой байдаг вэ?
“Futuristic type”-ийн Х.Отгончимэг:
-Нэг бүтээлд маш олон хүний хөдөлмөр шингэсэн байдаг. Бидний гол зорилго чанартай бүтээгдэхүүн хийгээд тэдгээрийг хэрэглэдэг хэрэглэгчид маань сэтгэл хангалуун байх нь чухал.
Жишээ нь, “Futuristic Type” залуучуудад зориулсан бүтээгдэхүүн үйлдвэрлэдэг учраас залуучууд авах хэмжээний боломжийн үнэтэй байдаг.
Манайх өөрийн гэсэн онцлогтой, хэн нэгний бүтээлийг хуулбарласан биш, өөрийн мэдрэмжээр загвараа гаргаж үйлдвэрлэдэг.
“Queen fashion house”-ийн захирал Д.Энхмаа:
-Яагаад хувцас үнэтэй байна вэ гэж асуудаг учрыг тайлбарлая. Үнэнийг хэлэхэд гадаадад үүнийг оюуны өмч гэж үзэж маш өндрөөр үнэлдэг. Гэтэл Монголд тийм юм байхгүй.
Хүн бидний бүтээлийг үзээд “Дахиад гарах уу?” гэхэд нь “2-3 ширхгийг л үйлдвэрлэнэ” гэвэл худалдан авдаг. Харин олон тоогоор гаргана гэвэл авдаггүй. Тэр олон дамжлагаар үйлдвэрлэсэн бүтээгдэхүүнд үнэ өртөг шингэсэн байдаг.
Нэг бүтээлийг олон дамжлагатай хийдэг. Бид эхлээд загвараа гаргана. Эсгүүрээ судална. Дараа нь шууд давуугаа хайчлаад хийдэггүй. Эхлээд туршилтын материал дээрээ хийж үзээд, суулт болон өмсгөл ямар байх вэ гэдгийг үзнэ. Гар урлалынхаа тооцооллыг хийнэ. Ингээд бүгдийг нь тооцоолж, батлагдсаны дараа үндсэн материалаараа оёж, чимэглэл, хатгамлаа хийдэг. Дараа нь чанар шалгагчаар шалгуулна. Тухайн загвараа ижил хэмжээтэй 2-3 хүнд өмсүүлж шалгадаг.
Гэтэл олон хүний хөдөлмөр шингэсэн бүтээлээ гаргаад худалдаалах гэхэд Монголын хүн ам маш цөөхөн. Хүн бидний бүтээлийг үзээд “Дахиад гарах уу?” гэхэд нь “2-3 ширхгийг л үйлдвэрлэнэ” гэвэл худалдан авдаг. Харин олон тоогоор гаргана гэвэл авдаггүй. Тэр олон дамжлагаар үйлдвэрлэсэн бүтээгдэхүүнд үнэ өртөг шингэсэн байдаг. Тэнд ажилласан ажилчдын цалин хөлс, урсгал зардал гарна. Мөн гаднаас материалаа авахдаа гаальд татвар төлнө. Эндээ бүтээгдэхүүнээ худалдаалсан учраас мөн л татвар төлнө. Уг нь бид гуравхан ширхэг бүтээл гаргаж байгаа бол оюуны бүтээлээ бүр илүү үнэлэх хэрэгтэй.
Гэвч дотор нь орж үзээгүй учраас хүмүүс ойлгохгүй. Бид аль болох чанартай материалаар давтагдахгүй юм хийхийг зорьдог. Олон хүний хөдөлмөр шингэсэн бүтээлээ хэт хямд зарчихвал дараа нь зардлаа яаж нөхөх вэ. Манай хувцасны line-уудын ихэнх нь таваас дээш оёдолчинтой. Оёдолчдоо байнга цалинжуулах шаардлагатай шүү дээ.
Гэтэл биднийг гаднын томоохон брэндүүдтэй харьцуулна. Мэдээж тэд массаар үйлдвэрлэж байгаа учраас эргээд өндөр орлого олж байна.
Дизайнеруудын хувьд нэг гоё бүтээлээ дахиад хийхгүй гэдэг маш харамсалтай байдаг. Дээр нь аль болох давтагдахгүй юм хийнэ. Харин бидний хийсэн загварыг энд тэнд бүрэн хуулаад хямд зарах тохиолдол гардаг. Гэхдээ тэд хүний санаагаар удаан явахгүй. Яг оригинал юм хийдэг, ясны артист хүмүүс нь тунаад л үлдэнэ.
Ер нь ямар ч салбарт юм хийж байгаа хүмүүс нь өртдөг юм билээ. Юм хуулна гэхээс илүү бид араасаа дагуулагч, шинийг санаачлагч байх ёстой гэж боддог.
-Та бүхний хэтийн зорилго юу вэ. Хамтдаа үйлдвэр байгуулах зорилго бий юу. Улсаас тусламж дэмжлэг авч чаддаг уу?
“Queen Fashion House”-ийн захирал Д.Энхмаа:
-Үнэхээр ажил хийе, Монголоо сурталчилсан сайхан юм хийе гэсэн эрмэлзэлтэй залууст нь тэр тусламж дэмжлэг нь хүрдэггүй юм байна. Бид нэгдсэн том үйлдвэртэй болчихвол их амар болно. Бүтээгдэхүүнээ олноор бас хямд гаргах боломж байна.
Бидний эмзэглэж явдаг бас нэг зүйл гэвэл олимпийн тамирчдын хувцас. Тендер зарлагдсан эсэхийг мэдээгүй байхад л хувцас нь хэдийнэ бэлэн болоод тэмцээндээ явах гэж байдаг.
Нэг товчны нүх гаргадаг машин гэхэд л 35 сая төгрөгийн үнэтэй байна шүү дээ. Ядаж улсаас тоног төхөөрөмжөөр дэмждэг бол бид дундаа хуваагаад хийх боломжтой. Мөнгөө нийлүүлээд төхөөрөмж авлаа гэхэд ардаа ажилчидтай, олон ар гэр тэжээнэ гээд явж байгаа хүмүүс тэр мөнгийг хэзээ нөхөх вэ? Зөвхөн ганц товчны нүхийг гараараа хийхэд маш их цаг хугацаа алддаг. Гэх мэтчилэн бидний бүтээгдэхүүнүүдэд цаг хугацаа, хөдөлмөр их ордог юм.
Энэ асуудлыг улс орон шийдээд өгвөл бидний ажил урагштай байх болно. Ганц дизайнер биш есөн дизайнер нэгдэж ажиллаж байна шүү дээ. Уг нь холбогдох газруудад хүсэлтээ өгсөн байгаа. Бид тийм зээл тусламж байдаггүй юм шиг л бодож ажилласаар ирсэн.
Бидний эмзэглэж явдаг бас нэг зүйл гэвэл олимпийн тамирчдын хувцас. Тендер зарлагдсан эсэхийг мэдээгүй байхад л хувцас нь хэдийнэ бэлэн болоод тэмцээндээ явах гэж байдаг. Гэтэл олон нийт дизайнеруудаа чадваргүй байна гэцгээнэ. Нэг үхрийн эвэр доргивол мянган үхрийн эвэр доргино гэдэг шүү дээ. Уг нь олимпд оролцож байгаа хүмүүсийн хувцсыг гоё хийх боломжтой.
Монголыг хөгжүүлэх гээд бор зүрхээрээ тэмцэж, гадагшаа таниулах хүсэл эрмэлзэлтэй байдаг ч тэр олон тендер бидний хажуугаар өнгөрчихдөг юм байна.
Монголд хувцас хийгээд зарах их амархан юм байна гэсэн сэтгэлгээ байдаг. Үүний цаана их хөдөлмөр, авьяас чадвар, цаг хугацаа зарцуулдаг юм шүү гэдгийг ойлгоосой.
-Баярлалаа. Та бүхний ажил үйлсэд өндөр амжилт хүсье.