Онцгой байдлын албан хаагчид БНСУ-аас туршлага судлах арга хэмжээнд оролцлоо

Энэ мэдээг шинэ хувилбараар унших бол арын товч дээр дарна уу
Э.Онон GoGo.mn

2018-12-06 15:05 GMT+8

ОБЕГ-ын даргын 2018 оны 11 дүгээр сарын 20-ны өдрийн А/390 дугаар тушаалаар Хөвсгөл аймгийн Онцгой байдлын газрын дарга, хурандаа Ё.Пүрэвсүрэнгээр ахлуулсан удирдах бүрэлдэхүүн БНСУ-ын Гёнги мужийн гамшгаас хамгаалах үйл ажиллагаатай танилцаж, туршлага судлах арга хэмжээнд  оролцоод ирлээ.

Туршлага судлах арга хэмжээнд Говь-Алтай аймгийн ОБГ-ын дарга, дэд хурандаа З.Баттулга, Өвөрхангай аймгийн ОБГ-ын дарга, дэд хурандаа Д.Эрдэнэбат, Хэнтий аймгийн ОБГ-ын дарга, дэд хурандаа Н.Чанцал, НОБГ-ын дэд дарга, хошууч Б.Мягмардорж нар оролцож,  Гёнги мужийн Гал, гамшгийн төв, Галаас хамгаалах аж үйлдвэр, технологийн төв, Сүвон хотын гал команд, Галын академи, Тусгай аврах ангийн үйл ажиллагаатай танилцсан юм.

Арга хэмжээний хүрээнд  Монгол Улс, Бүгд найрамдах Солонгос Улсын хооронд гамшгаас хамгаалах чиглэлээр харилцан ажиллагааг бэхжүүлэх, гамшгаас хамгаалах менежментийн болон орчин үеийн техник, технологийг үзэж судлах, харьцуулах, өөрийн үйл ажиллагаандаа тэргүүн туршлагыг нэвтрүүлэх чиглэлээр туршлага судалжээ.

Эх сурвалж: ОБЕГ

GoGo Facebook Хуудас
 
 
Өргөн хэрэглээний, нэг удаагийн гялгар уутыг худалдаанд гаргах, хэрэглэхийг хориглосон шийдвэр гуравдугаар сарын 1-нээс хэрэгжинэ. Та гялгар уутны хэрэглээгээ багасгаж эхэлсэн үү?
Нийт 1765 санал өгсөн байна.

Дээшээ