Ө.Энхтүвшин: Чуулгандаа оролцоно оо, оролцолгүй яах вэ

Сэтгүүлч Р.Адъяасүрэн

2018-12-07 13:06 GMT+8

"Эрдэнэт” үйлдвэрийн асуудал ямар явцтай байгаа талаар ажлын хэсгийн ахлагч, Шадар сайд Ө.Энхтүвшингээс тодрууллаа. 

Мөн тэрбээр өнөөдрийн хуралдаанд оролцоогүй бөгөөд УИХ-ын дарга ирц бүрдүүлэхийг хүссэн гишүүдийн дунд түүний нэр байсан юм. Энэ талаар тэрбээр дараах хариултыг өгч байна. 

-"Эрдэнэт"-ийн асуудал ямар шатандаа явж байна вэ?

-Явж байгаа, явж байгаа шүү. Аль болохоор Монгол Улсад хохирол багатайгаар хурдан шийдэх чиглэлээр ажиллаж байна. 

-Өрийн хэмжээ хэдэд хүрээд байна вэ?

-Өрөнд орсон гэж хэлэхгүй л дээ. Нийт 51 сая америк доллар. Тэр нь өдөр хоногоор нэмэгдэнэ. Шүүхийн шийдвэр гарсан. 

-Удах тусам хэмжээ нь нэмэгдээд байна шүү дээ. 

-Ажлын хэсэг ажиллаж байна. Ийм үед нарийн ярих боломжгүй. Нарийн ярих тусам манай талд ашиггүй болно. 

-Стандарт банкны төлөөлөлтэй уулзаж, хүү торгуулийг багасгах талаар ярилцана гэж байсан. 

-Аль болохоор уулзаж, ярилцах ёстой. Ийм асуудлууд яригдаж байгаа. 

-Чуулган ирц бүрдээгүй эхлэхгүй байна. Та яагаад чуулганд оролцохгүй байгаа юм бэ?

-Орно, орно. Оролгүй яах вэ.

-Улс орны чухал асуудлуудыг чуулганаар хэлэлцэх ёстой биз дээ. 

-Хэлэлцэлгүй яах вэ. Чуулган хуралдана.

GoGo Facebook Хуудас
 
 
Хотын дарга Су.Батболдын ажлыг Та хэрхэн дүгнэх вэ?
Нийт 1016 санал өгсөн байна.

Дээшээ