Л.Болдын хүсэлтийг биелүүлж, АН бүлэггүй болж зөвлөлийн статустай ажиллана

Энэ мэдээг шинэ хувилбараар унших бол арын товч дээр дарна уу
Сэтгүүлч Р.Адъяасүрэн

2019-02-12 10:55 GMT+8

УИХ дахь Ардчилсан Намын бүлэг цаашид зөвлөлийн статустайгаар ажиллана гэдгийг УИХ-ын гишүүн З.Нарантуяа мэдээлжээ.

УИХ-ын гишүүн Ж.Батзанданг намынхаа гишүүнчлэлээс, УИХ-ын гишүүн Л.Болдын сонгуульд нэр дэвших эрхийг дөрвөн жилийн хугацаанд хасах шийдвэрийг гаргасны дараа Л.Болд намаасаа гарах хүсэлтээ гаргасан. Арванхоёрдугаар сарын 4-ний өдөр уг хүсэлтээ өгсөн хэмээн тэрбээр мэдээлсэн ч АН-ын зүгээс зохих шатанд хүсэлт гаргаагүй хэмээн мэдээлж байв.

Намрын чуулганы хаалтын үеэр энэ асуудлаа шийдэж, намаас гарах хүсэлтийг нь биелүүл хэмээн ширээгээ балбаж байсан УИХ-ын гишүүн Л.Болдын хүсэлтийг хангахаар болжээ.

УИХ-ын гишүүн З.Нарантуяа “Хаврын чуулганы эхэнд Л.Болд гишүүний өөрийнх нь хүсэлт, АН-ын эрх бүхий байгууллагын шийдвэрийг үндэслэн АН-ын бүлгээс гарах хүсэлтийг нь биелүүлж, бүлгийн зүгээс албан ёсны саналаа УИХ-д хүргүүлнэ. Цаашид Зөвлөлийн статустайгаар ажиллана” гэжээ.

GoGo Facebook Хуудас
 
 
УИХ дахь МАН-ын бүлгийн гишүүд УИХ-ын гишүүдийн тоог 99 болгон нэмье гэж санал нэгдэв. Харин АН-ын зөвлөл болон Ерөнхийлөгч 108 байх ёстой гэсэн юм. Таны бодлоор УИХ-ын гишүүдийн тоо хэд байх нь зөв бэ?
Нийт 140 санал өгсөн байна.

Дээшээ