ХӨЛБӨМБӨГ: Ливерпүүл 7 тоглолтод дараалан ялалт байгууллаа

Энэ мэдээг шинэ хувилбараар унших бол арын товч дээр дарна уу
SPS

2019-04-15 15:45 GMT+8

Английн Премьер Лигийн 34-р тойргийн тоглолтууд эдгээр өдрүүдэд үргэлжилж байна. Өчигдөр буюу Ням гарагт энэ тойргийн онцлох тоглолт “Ливерпүүл” – “Челси” багуудын хооронд болсон юм. “Ливерпүүл” түрүүлэх өрсөлдөөнд үлдэхийн тулд, “Челси” эхний 4 байрт үлдэхийн тулд энэ тоглолтоос ялалт байгуулах нь чухал байлаа. Гэвч тоглолтын эхний үед аль аль баг гоол оруулж чадсангүй. Харин “Челси”-ийн төвийн хамгаалагч Антони Рудигер эхний хагаст бэртэж, Кристенсен талбайд орж ирсэн юм.

Тоглолтын 2-р хагаст талбайн эздийн довтолгоо ширүүсч, 51 дэх минутад Хэндерсоны дамжуулсан бөмбөгийг Садио Манэ мөргөж тооны харьцааг 1:0 болгосон байна. Түүний гоолоос ердөө 2 минутын дараа Мохамед Салах өөрийн ур чадварыг харуулж, торгуулийн талбайн гаднаас нэгэн гайхалтай гоол оруулснаар багийнхаа тэргүүллийг баталгаажууллаа.

Үүний дараа “Челси”-ийн гол тоглогч Эден Азар хэд хэдэн удаа аюултай довтолгоо зохион байгуулахыг оролдсон ч бүтэлгүйтсэн юм. Ийнхүү “Ливерпүүл” 2:0-ийн харьцаатай ялалт байгуулснаар гол өрсөлдөгч “Манчестер Сити”-ээс 2 оноо илүү боллоо. Гэхдээ тэд нэг тоглолт илүү хийгээд байгаа билээ. Харин “Челси”-ийн хувьд 4-р байрандаа үлдсэн ч араас нь яваа “Манчестер Юнайтед”, “Арсенал” багууд 1-2 тоглолт дутуу байна.

Ливерпүүл 2:0 Челси (Премьер Лиг, Энфилд, 53,279 үзэгч)

Гоол: Манэ 51, Салах 53

Гарааны бүрэлдэхүүн:

Ливерпүүл (4-3-3): Алиссон; Александер-Арнолд, Матип, Ван Дайк, Робертсон; Хэндерсон (Милнер 77), Фабиньо, Кейта (Вайналдум 66); Салах (Шакири 90), Фирмино, Манэ

Челси (4-3-3): Кепа; Аспиликуэта, Рудигер (Кристенсен 40), Луиз, Эмерсон; Канте, Жоржиньо, Лофтус-Чик (Баркли 75); Хадсон-Одои (Игуайн 56), Азар, Виллиан

Шар хуудас: Аспиликуэта

Бусад тоглолтуудын үр дүн:

Лестер Сити 0:1 Ньюкасл
Тоттенхэм 4:0 Хаддерсфилд
Брайтон 0:5 Борнмут
Бөрнли 2:0 Кардифф
Фулхэм 2:0 Эвертон
Саутхэмптон 3:1 Вулверхэмптон
Манчестер Юнайтед 2:1 Вест Хэм
Кристал Палас 1:3 Манчестер Сити

Хүснэгт:

Баг                                Т       Хо      Тэ      Хж              Гз            Оноо

  1. Ливерпүүл            34      26      7       1                +57            85
  2. Ман Сити              33      27      2       4                +64            83
  3. Тоттенхэм             33      22      1       10              +30            67
  4. Челси                    34      20      6       8                +21            66
  5. Ман Юнайтед       33      19      7       7                +19            64
  6. Арсенал                32      19      6       7                +25            63

А.Одбаяр

GoGo Facebook Хуудас
 
 

Дээшээ