Увс аймагт тарваган тахлын сэжигтэй тохиолдол бүртгэгдэж, хөл хорио тогтоожээ

Энэ мэдээг шинэ хувилбараар унших бол арын товч дээр дарна уу
Сэтгүүлч Э.Оргил GoGo.mn

2019-05-06 11:15 GMT+8

Увс аймагт өчигдөр тарваган тахлын сэжигтэй тохиолдол илэрсэн бөгөөд тухайн хүнээс сорьц авч лабораторийн шинжилгээнд өгчээ. Халдвар авсан байж болзошгүй хүн нь нохой зууж ирсэн тарвагыг барьсан гэж мэдэгджээ.

Тахлын сэжигтэй тохиолдол илэрсэн тул Увс аймгийн Засаг дарга Д.Батсайхан өчигдөр захирамж гаргаж, аймгийн төвд өнөөдрөөс эхлэн 72 цагийн хөл хорио тогтоосон байна. 



Баян-Өлгий аймагт өнгөрсөн долоо хоногт эхнэр, нөхөр хоёр тарваган тахлаар нас барснаас хойш тус аймгийн төвд хөл хорио тогтоогоод байна. Мэргэжлийн байгууллага тэдэнтэй шууд болон шууд бусаар харилцсан 158 хүнийг тогтоож, үзлэг шинжилгээнд хамруулсан боловч халдварын шинж тэмдэг илрээгүй байна.

Нэмж хүн өвчлөөгүй бөгөөд Онцгой байдлын комисс өнөөөдөр хуралдаж, хорио цээрийг цуцлах эсэхийг шийдвэр гаргана. 

GoGo Facebook Хуудас
 
 
Автомашингүй өдрийг зуны улиралд сард нэг удаа хийвэл та дэмжих үү?
Нийт 938 санал өгсөн байна.

Дээшээ