Мөрөөдлөө биелүүлэхэд чинь туслах 6 КИНО

Энэ мэдээг шинэ хувилбараар унших бол арын товч дээр дарна уу
GoGo.mn

2019-05-18 15:59 GMT+8

Ихэнх хүмүүсийн амжилт анхандаа мөрөөдөл нь байдаг. Бид ч бас ирээдүйгээ төсөөлдөг шүү дээ. Тиймээс үзэх бүрт хүслээ биелүүлэх тэмүүлэл өгч хурцалдаг кинонуудаа танилцуулъя.

1.The pursuit of Happyness

2008 онд дэлгэцэнд гарч байсан Seven Pounds киноны найруулагч Gabriele Muccino удаах дэлгэцийн бүтээлдээ Уилл Смиттийг ахин тоглуулжээ. Эхнэртээ хаягдсан ядуу залуугийн амьдралын төлөөх тэмцлийг өгүүлэх кино юм.

2. La Famille Belier

Хэлгүй дүлий гэр бүлийн тухай кино. Том охин нь ярьж чаддаг ба гэр бүлдээ нийгэмшихэд нь тусалж хичээлийнхээ хажуугаар жижиг бизнест нь дэм болдог. Охин энгийн биш дуулах чадвартайг хөгжмийн багш нь олж мэднэ. Мөрөөдлөө дагах уу гэр бүлдээ туслах уу гэх асуудал гарч ирнэ. Хэзээ ч дуулахыг нь сонсож байгаагүй гэр бүл нь дэмжих болов уу?

3. Jiro dreams of sushi

2011 онд гарсан уг кино нь өнөөдөр Netflix-н баримтат киноны төрөлд шилдгийн шилдэгт багтаж байгаа. Jiro-ийн мөрөөдөл бол хамгийн төгс суши хийх. Түүний суши аль хэдийн алдартай болсон ч тэрээр төгс суши хийхийг өдөр бүр зорьж мөрөөдсөөр хичээнэ.

4. Secret

Зохиолч гүн ухаан, шинжлэх ухааны салбарын судлаачид сайхан амьдрал руу хөтлөх нууцыг дэлгэнэ. Мөрөөдөл зорилгоо зогсолтгүй сэтгэлдээ буулган нүдэндээ харж түүнийхээ төлөө өдөр бүр тэмцэх тухай өгүүлнэ.

5. The soloist

Хэн нэгний мөрөөдөл биелэх нь заримдаа чамд ч шинийг эхлүүлэх үүдийг нээж өгч болдог. Энэхүү кино нь драмын бүхий л элементүүдийг шингээснээс гадна сэтгэл хөдөлгөм бодит түүхийг өгүүлнэ. THE LOS ANGELES TIMES сонинд сэтгүүлчээр ажилладаг Steve Lopez нэгэн удаа гудамжинд хуурдаж буй Натаниель Аиерс гэдэг орон гэргүй хүнтэй таардаг. Түүнээс хойш Стийв амьдралынхаа мөч бүрийг тэр хуурчийн уран бүтээл, эрүүл мэндэд зориулна.

6. Billy Elliot

Их Британийн хойд зүгийн алслагдмал жижигхэн хотод аав ахтайгаа амьдардаг 11 настай Billy Elliot хүүгийн тухай өгүүлнэ. Тэрээр бүжиглэх хүслээ арай хийн бусдаас нууна. Учир нь бөглүү тэр хотод сонгодог урлаг хөгжөөгүй зөвхөн охид биш хөвгүүд ч балетаар хичээллэх хүсэлтэйг мэргэжлийн багшаас өөр мэдэх хүн бараг байхгүй. Гэхдээ аав нь хүүгийнхээ ирээдүйг төрмөл авьяастай нь хамт төсөөлж, мөрөөдөлд нь хүргэхийн тулд санхүүгийн бэрхшээлтэй тулгарахаас айдаггүй.

Эх сурвалж: YOLO.mn

GoGo Facebook Хуудас
 
 
УИХ дахь МАН-ын бүлгийн гишүүд УИХ-ын гишүүдийн тоог 99 болгон нэмье гэж санал нэгдэв. Харин АН-ын зөвлөл болон Ерөнхийлөгч 108 байх ёстой гэсэн юм. Таны бодлоор УИХ-ын гишүүдийн тоо хэд байх нь зөв бэ?
Нийт 161 санал өгсөн байна.

Дээшээ