МЭДЭГДЭЛ

Энэ мэдээг шинэ хувилбараар унших бол арын товч дээр дарна уу
Төлбөртэй мэдээ

2019-05-23 17:32 GMT+8

Сүүлийн өдрүүдэд Мобиком Корпорацийн байрлаж байсан оффистой холбоотойгоор  Мобиком Корпорацийн нэр хүндэд халдсан худал, үндэслэлгүй мэдээлэл хэвлэл мэдээллийн хэрэгсэл болон цахим орчинд цацагдсан. Энэ асуудлаар Мобиком Корпорациас албан ёсны мэдэгдэл хийж байна.   

Мобиком Корпораци нь үүсгэн байгуулагдсан цагаасаа хойш Монгол улсын нийгэм, эдийн засаг, харилцаа холбооны салбарт өндөр ач холбогдол бүхий ажлуудыг тасралтгүй хийсээр ирсэн бөгөөд  улсдаа төлөх татвар, түрээсийн бүх төрлийн төлбөрөө цаг хугацаанд нь төлөх үүргээ хариуцлагатайгаар гүйцэтгэсээр ирсэн билээ.

Монтрэйд ХХК-ийн барилгыг түрээслэн ашиглаж байсан тухайд Мобиком Корпораци нь оффисын түрээс, ашиглалт үйлчилгээний менежментийн гэрээг Ньюком Проперти компанитай байгуулан 10 гаруй жил хамтран ажиллаж байна. Өөрөөр хэлбэл Ньюком Проперти компани нь түрээслүүлэгч байгууллагуудтай гэрээ байгуулан манай байгууллагын оффисын түрээс, ашиглалт үйлчилгээг хариуцан гүйцэтгэдэг юм. Мобиком Корпораци нь энэ 10 гаруй жилийн турш гэрээний үүргээ хариуцлагатай биелүүлж, Ньюком Проперти компанид хөрөнгийн менежментийн үйлчилгээний төлбөрөө тухай бүр ямар ч асуудалгүй төлсөөр ирсэн. Мобиком нь Монтрейд ХХК-тай оффисын түрээстэй холбоотой аливаа нэг гэрээ байгуулж байгаагүй, түрээсийн төлбөр төлөх харилцаанд ордоггүй, орох эрхзүйн үндэсгүй бөгөөд түрээсээ төлөөгүй гэх мэдээлэл үндэслэлгүй, худал мэдээлэл юм.

Мөн Мобиком Корпораци болон түүний удирдах албан тушаалтнууд Авлигатай тэмцэх газарт шалгагдаагүй болохыг хариуцлагатайгаар мэдэгдэж байна.  

Мобиком Корпораци нь цаг ямагт Монгол улсын хууль дүрмийг дээдлэн үйл ажиллагаандаа мөрдөн ажилладаг болохоо нэр төртэйгөөр мэдэгдэж байна.

Иймд дээрх асуудлаар зарим этгээдийн зохион байгуулалттай, санаатай үйлдэж буй явуулгад автахгүй байхыг хэрэглэгч, хамтран ажиллагсад та бүхнээсээ хүсэж байна. 

Мобиком Корпораци ХХК

GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 394 санал өгсөн байна.

Дээшээ