Монгол наадам жуулчдын нүдээр

Энэ мэдээг шинэ хувилбараар унших бол арын товч дээр дарна уу
Э.Онон GoGo.mn

2019-07-13 10:45 GMT+8

Жил бүрийн үндэсний их баяр наадмаар гадаадын олон жуулчид ирж Монгол түмний уламжлалт баярыг үзэж сонирхдог. Монгол улс жилд 500-600 мянган жуулчин хүлээн авдаг ч ихэнх нь долдугаар сард ирдэг байна. Төв Цэнгэлдэхэд явж байсан жуулчдын сэтгэгдлийг сонслоо.

Их Британи:

Би Монголд анх удаа ирээд байна. Үргэлж л Монголоор аялахыг хүсдэг байсан. Наадмын тоглолт яг л Олимпийн нээлт шиг гайхалтай байлаа. Бүтээлч байдал, загвар хийц, дизайн нь маш их таалагдсан. Монголын түүх, соёлын талаар илүү их мэдлэгтэй болж чадсан. Монгол орон төсөөлж байсан шиг уудам тал нутагтай, найрсаг ард түмэнтэй улс юм. Үндэсний бөх үзэхэд ч сонирхолтой байлаа. Үндэсний хоолнуудыг бүгдийг нь идэхийг хичээсэн. Айраг ууж үзсэн. Баяр наадмын үеэр Монголд ирсэндээ маш их баяртай байна.  

Франц:

Би гэр бүлийнхэнтэйгээ Монголын говиор аялаад ирсэн. Одоо наадам үзээд явж байна. Наадмын нээлтийн тоглолт Монголын түүх, соёлыг харуулж чадлаа. Монгол үндэсний хувцас үнэхээр гайхалтай юм.

Шотланд:   

Монголд анх удаа ирээд байна. Нум сум харваж үзсэн. Шагайн асраар зочилсон. Монгол үндэсний хоол ч идсэн. Наадам маш их таалагдаж байна. Морь үзэж амжаагүй л явна. Гэхдээ үзэх төлөвлөгөөтэй байгаа.

Уэльс:

Наадмын нээлтийн тоглолт үгээр илэрхийлэмгүй, гайхалтай байлаа. Би олимпийн нээлтийн тоглолтыг зурагтаар үзэж байсан. Харин наадмын тоглолт түүнээс ч илүү байсан. Өнгөний хослол, хүмүүс, үндэсний бүжиг, хөгжим гээд бүх зүйл таалагдсан. Хурдан морины уралдаан ч үзээд амжсан шүү.

Их Британи:

Би найз охинтойгоо галт тэргээр Монголд ирээд хоёр хонож байна. Монгол үндэсний хувцас, соёл уламжлал гээд бүх зүйл таалагдаж байна. Энд маш сайхан уур амьсгалтай байна.   

Испани:

Наадмын нээлтийн үзүүлбэр гайхалтай, төгс байлаа. Үндэсний дуу, бүжиг гээд л бүх үзүүлбэрийг маш сайн бэлтгэсэн байсан. Испанид ийм төрлийн баяр байдаггүй болохоор сайхан сэтгэгдэл төрүүлж чадлаа. Бид наадам дуусгаад 16-нд Орос явах төлөвлөгөөтэй байна.  

GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 248 санал өгсөн байна.

Дээшээ