РАЛЛИ: Хан Вей хожигдож, Hanwei нь гайхуулж байна

Энэ мэдээг шинэ хувилбараар унших бол арын товч дээр дарна уу
GoGo.mn

2019-07-12 13:35 GMT+8

Хоёр гуравхан өдрийн өмнө 2017 оны “Торгоны зам” раллийн мөнгөн медалийн шагналт Хан Вей хоёр жилийн өмнөх амжилтаа давтах төдийгүй тэргүүн байр өөд тэмүүлж ч мэдэх мэт санагдаж байлаа. Гэвч Хятадын алдарт тамирчин одоогийн байдлаар тэргүүлж яваа хүнээс 47,5 минутаар хоцрон, тавдугаар байранд явж байна.    

Shanxi Yunxiang Qimosport баг энэ удаагийн уралдаанд шар өнгийн зургаан адилхан машинтай ирсэн бөгөөд тэдгээр нь Хан Вейн багийнханд зориулан үйлдвэрлэсэн HanWei Motor SMG Buggyхэмээх машинууд байсан тул Хятадын багийг “Багги” баг хэмээн нэрлэж болмоор. Тэдгээр машиныг Shanxi Yunxiangбагт худалдсанаар баггинууд тусгай зайд тэргүүлэгчдийн жагсаалтанд төдийгүй уралдааны үр дүнгийн хүснэгтэнд ч нэг бус удаа нэрээ гаргаад байна.

Тав дахь тусгай зайн уралдааны барианд Shanxi Yunxiang-ы шилдэг төлөөлөгч Зян Минг тавдугаар байранд орж ирсэн. “Торгоны зам” ралли бүр эхлэхээс аваад барианы тавд Хятадын тамирчид багтахгүй мэт санагдаж байсан билээ. Өөр нэг тамирчин Лю Кун долдугаарт орж ирсэн бөгөөд уралдааны ерөнхий үзүүлэлтээр тэрбээр хоёрт явж байгаа юм. Тэгэхээс ч өөр аргагүй, учир нь чухамхүү энэ л тамирчин 2018 онд “Торгоны зам” раллийн Хятадын нутаг дэвсгэр дээрх үе шатны ялагч болсон билээ.

Ташрамд дурдахад, Хятадын баг тамирчдын нэр энэ өдөр уралдаанд оролцогчдын амнаас төдий л сайнаар гараагүй юм. Хятадын Shanxi Yunxiangбагийн тамирчин Сун Пинг Матьё Серрадори,Айрат Мардеевнарын замд  удтал саад болж, аль алиныг нь явуулахгүй байснаас болж тэд хайран цагаа алдсан аж.

GoGo Facebook Хуудас
 
 
Ерөнхийлөгчийн санаачилсан Монгол Улсын Үндсэн хуульд оруулах нэмэлт, өөрчлөлтийн төслийн УИХ-ын гишүүдийн тоог 108 болгож, бүрэн эрхийн хугацааг таван жил болгох заалтыг та дэмжиж байна уу.
Нийт 467 санал өгсөн байна.

Дээшээ