Энтони Дэвис дэлхийн аваргад тоглохгүй

Энэ мэдээг шинэ хувилбараар унших бол арын товч дээр дарна уу
SPS

2019-07-17 09:25 GMT+8

Лос Анжелес Лэйкерс багт нэгдээд удаагүй байгаа лигийн шилдэг довтлогчдын нэг Энтони Дэвис шигшээ багийн бэлтгэлээс нэрээ татсан байна. Тэрээр ДАШТ-д тоглохоос илүүтэйгээр Лэйкерс багийн хамтаар NBA аваргын төлөө дайралт хийх нь илүү чухал хэмээн үзэж байгаа юм.

ДАШТ-д тоглохоос татгалзсан Энтони Дэвис 2020 оны Токиогийн олимпод тоглоно гэдгээ хэлсэн байна. Түүний хувьд 2012 онд Лондонгийн олимп, 2014 онд Испанид зохион байгуулагдсан ДАШТ-д тус тус алтан медаль хүртэж байсан билээ.

Сүүлийн хоёр жил дараалан дэлхийн аварга болоод буй Нэгдсэн Улсын шигшээ баг 08 сарын 31-нээс 09 сарын 15-ны хооронд урд хөршид зохион байгуулагдах ДАШТ-д түрүүлэх хамгийн өндөр баг байх нь ойлгомжтой юм.

Нью Орлеанс Пэликанс багийн бүх цаг үеийн оноо авалтын лидер, 6 удаагийн бүх одод Энтони Дэвис өнгөрсөн улиралд 25.9 оноо, 12.0 самбар, 3.9 оновчтой дамжуулалт, 2.4 хаалт, 1.6 бөмбөг таслалт дунджилжээ.

П.Хатансайхан

GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 250 санал өгсөн байна.

Дээшээ