Мал хулгайлах гэмт хэрэг 89 хувиар өсчээ

Энэ мэдээг шинэ хувилбараар унших бол арын товч дээр дарна уу

2019-07-18 15:35 GMT+8

Улсын хэмжээнд 2019 оны эхний хагас жилийн байдлаар 17.7 мянган гэмт хэрэг бүртгэгдсэнээс мал хулгайлах гэмт хэрэг 89.3 хувиар өсчээ. Нийт гэмт хэргийн тоо өмнөх оны мөн үеэс 11.9 хувиар өссөн ба хүний бэлгийн эрх чөлөө, халдашгүй байдлын эсрэг гэмт хэрэг 31.6 хувиар мөн нэмэгдсэн байна.

54.7 мянган хүнийг эрүүлжүүлж 6.9 мянган хүнийг баривчилсан

16-с дээш насны 10000 хүнд ногдох гэмт хэргийн улсын дундаж 82 байгаа ба 2019 оны эхний хагас жилд 4500 хүн бэртэж гэмтэн, 509 хүн нас барсан байна. Гэмт хэргийн улмаас 102.1 тэрбум төгрөгийн хохирол учирч, 26 тэрбум төгрөгийг нөхөн төлүүлжээ.

Энэ оны зургаадугаар сарыг хүртэл хугацаанд улсын хэмжээнд 54.7 мянган хүнийг эрүүлжүүлж 6.9 мянган хүнийг баривчилсан хэмээн Үндэсний статистикийн хорооноос мэдээллээ.

GoGo Facebook Хуудас
 
 
УИХ дахь АН-ын зөвлөл Ерөнхийлөгчийг парламентаас сонгох нь зүйтэй гэж үзэж, энэ талаар Үндсэн хуульд оруулах нэмэлт өөрчлөлтөд тусгуулах санал гаргалаа. Таны бодлоор цаашид Ерөнхийлөгчийг иргэд биш парламент сонгох нь зөв үү.
Нийт 234 санал өгсөн байна.

Дээшээ