Ам.долларын ханш 1700-д хүрлээ

GoGo.mn

2009-03-13 14:58 GMT+8

“Найман шарга” валют арилжааны төвд өнөөдрийн байдлаар ам.долларын ханш дахин чангарч 1700 төгрөгтэй тэнцсэн байна. Саяхныг хүртэл 1600 төгрөгний ханштай байсан ам.долларын ханш чангарсныг ченжүүд мөн л “долларын нөөц банкинд байхгүй болсон, зах зээл дээр эрэлт ихтэй байгаа” гэдгээр тайлбарлаж байна.

Ам.долларын ханш ийм өндөр байхад худалдан авалт хийж байгаа эсэхийг тэднээс лавлахад “арван хүний найм нь ам.доллар сураглаж байна. Бидэнд бүү хэл банкинд ч эрэлтээ гүйцэх хэмжээний доллар алга” хэмээн ярьлаа.

Ам.долларын ханш өчигдөр орой ийнхүү өсч, одоогоор 1725 төгрөгөөр худалдан авч, 1735 төгрөгөөр зарж байна.

Монголбанк ам.долларын ханшийг бууруулах, төгрөгийн ханшийг тогтвортой барих зорилгоор бодлогын хүүгээ өсгөх арга хэмжээг авсан. Гэтэл энэ арга хэмжээг авсан даруйд ийнхүү ам.долларын ханш чангарлаа. Харин Монголбанкныхан авсан арга хэмжээнийх нь хариу өнөө маргаашдаа гарахгүй бөгөөд хэсэг хугацаа шаардлагатай гэлээ. Тиймээс Монголбанкны зүгээс ямар нэгэн тайлбар өгөхөд эрт байна хэмээн үзэж байна. Өнөөдрийн байдлаар манай улсын валютын нөөц 514.7 сая ам.доллар буюу гурван cap орчмын нөөцтэй байгаа билээ.

О.Билэг

GoGo Facebook Хуудас
 
 
Согтуугаар тээврийн хэрэгсэл жолоодсон этгээдэд хөдөлмөрийн хөлсний доод хэмжээг 2 нийлүүлсэнтэй ижил хэмжээний мөнгөн торгууль (384 мянган төгрөг) ногдуулж, жолоодох эрхийг 6 сараас 2 жил хүртэлх хугацаагаар хасах гэсэн заалттай хуулийн төсөл өргөн барьсан. Та үүнийг дэмжих үү?
Нийт 1259 санал өгсөн байна.

Дээшээ