Д.Сумъяабазар аварга наадамд зодоглохгүй

"НИЙГМИЙН ТОЛЬ"

2009-07-02 10:04 GMT+8

Д.Сумъяабазар аварга өнгөрсөн жилийн наадамд тааруухан барилдаж түрүүлж чадаагүй билээ. Энэ жилийн баяр наадамд залуу тэрбээр зодоглохгүй бололтой.

Аваргын барилдаж байхдаа авсан хуучин бэртэл нь сэдэрсэн гэнэ. Наадмын торгон ногоон дэвжээн дээр олон жил барилдах боломжтой залуу аваргууд маань ар араасаа бэртэл, гэмтэл ярин бөхийн талбайгаа орхих боллоо. Энэ нь наадамчин олны сэтгэлийг гонсойлгосон зүйл болж байна. Д.Сумъяабазар аваргад наадамчид, наадмын хуулийг зөрчин, итгэл хүлээлгэн арслан цолыг алгасуулан аварга цолыг хүртээсэн билээ.

Сүүлийн жилүүдэд аварга, улсын арслан цолтнууд тааруухан барилдаж байгаа. Энэ нь тэдний тогтмол бэлтгэл, сургуулилт хийхгүй, заал танхимын барилдаанд оролцохгүй өнжиж байгаатай холбоотой гэх. Мөн аймаг, цэргийн цолтой залуу бөхчүүд сайн барилдаж, нэгэн шинэ үе хүч түрэн орж ирсэнтэй ч холбоотой байж болох юм.

Н.Отгонбаатар

GoGo Facebook Хуудас
 
 
Та хувийн эмнэлэгт хүүхдээ үзүүлэхдээ сэтгэл хангалуун байдаг уу?
Нийт 2268 санал өгсөн байна.

Дээшээ