Үндэсний портал GoGo.mn хамгийн хүртээмжтэй сайтаар шалгарлаа


2010-12-22 09:50 GMT+8

Монголын Хэвлэлийн хүрээлэнгээс хоёр жил тутам хэрэглэгчдийн судалгаанд үндэслэн шилдэг хэвлэл мэдээллийн хэрэгслүүдийг шалгаруулдаг уламжлал тогтоод байгаа билээ.

Монголдоо хэвлэл мэдээллийн хэрэгслүүдийн тухай хамгийн өргөн хүрээний судалгаа явуулж иргэдэд мэдээлэл өгдөг газар бол яах аргагүй Монголын Хэвлэлийн хүрээлэн.

2010 онд гэхэд тус хүрээлэн 5500 өрхөөс судалгаа авчээ. Энэхүү олон нийтийн судалгааны дүнг өчигдөр Монголын хэвлэлийн хүрээлэн шилдэг сэтгүүлчдийн "Мөнгөн Угалз" наадмын үеэр зарлалаа.

Олон нийтийн судалгаанд тулгуурлаж хэвлэл мэдээллийн байгууллагуудын хамгийн шилдгийг шалгаруулдаг учир хамгийн бодитой шагнал байдаг гэж хэвлэлийнхэн үздэг.

Үндэсний портал GoGo.mn хоёр дахь удаагаа энэхүү судалгаанд тэргүүлж  хамгийн хүртээмжтэй сайтаар шалгарлаа.

Ингээд Та бүхэндээ 2010 онд үзэгч, уншигч, хэрэглэгчдээс хамгийн их санал аван шилдгээр шалгарсан ХМХ-үүдийг танилцуулж байна.

Хамгийн хүртээмжтэй сайт - Үндэсний портал GoGo.mn
Хамгийн хүртээмжтэй сонин – “Өнөөдөр”
Иргэний сэтгүүл зүйг дэмжигч сонин – “Зууны мэдээ”
Хамгийн хүртээмжтэй сэтгүүл – “ТВ-Инфо”
Шилдэг телевиз - Монголын Үндэсний олон нийтийн телевиз
Хамгийн хүртээмжтэй, шинэ тутам телевиз - "Боловсрол" суваг
Шилдэг мэдээллийн хөтөлбөртэй телевиз - ТВ-9
Үзэгчдийн таашаалд нийцсэн олон нэвтрүүлэгтэй телевиз - C1
Хамгийн хүртээмжтэй FM - FM -99,7 зэрэг хэвлэл мэдээллийн байгууллагууд хамгийн шилдгээр шалгарлаа.

Ч.Болор

GoGo Facebook Хуудас

ХОЛБООТОЙ МЭДЭЭ

 
 
Утааны улирал эхэллээ. Та амны хаалтыг өөртөө болон үр хүүхдүүддээ гадаа орчинд байнга зүүлгэж чадах уу?
Нийт 190 санал өгсөн байна.

Дээшээ